२३ जेठ २०८३, शनिबार
पाकिस्तानका आणविक वैज्ञानिक डा अब्दुल कादीर खानको आइतवार बिहान मृत्यु भएको छ ।
८५ वर्षका खानको स्वास्थ्य बिग्रेपछि इस्लामाबादस्थित स्थानीय अस्पतालमा भर्ना गरिएको थियो ।
सन् १९३६ मा भारतको भोपालमा जन्मिएका खान सन् १९४७ मा भारत विभाजन भएपछि परिवारसहित पाकिस्तान गएका थिए ।
सन् १९९८ मा भारतले आणविक परीक्षण गरेलगत्तै पाकिस्तानले पनि आणविक परीक्षण गरेको थियो । त्यस परीक्षणका लागि खानले वर्षौंदेखि मेहनत गरेका थिए ।
त्यस परीक्षणपछि खान रातारात पाकिस्तानका नायक भएका थिए । उनलाई मोहसिन ए पाकिस्तान भनी उच्च सम्मान दिइएको थियो ।
उक्त परीक्षणपछि पाकिस्तान मुस्लिम विश्वको एक्लो आणविक शक्ति बनेको थियो ।
खानले आणविक बम बनाउने प्रविधि नेदरल्यान्ड्सको एम्स्टर्ड्यामबाट सेन्ट्रीफ्युज प्रविधि चोरेको आरोप लागेको थियो ।
