गण्डकी प्रदेश प्रमुखले भने- धर्म, संस्कृतिको जगेर्ना गर्नु सबैको दायित्व हो

गण्डकी प्रदेश प्रमुखले भने- धर्म, संस्कृतिको जगेर्ना गर्नु सबैको दायित्व हो
फाइल तस्वीर।

गण्डकी प्रदेश प्रमुख पृथ्वीमान गुरुङले धर्म, संस्कृतिको जगेर्ना गर्नु सबैको दायित्व भएको बताएका छन् ।


Advertisement

विजयादशमीअन्तर्गत नवमीका अवसरमा आज पोखरा–१७ विरौटास्थित राममन्दिरमा पूजाआराधना गर्दै उनले संवैधानिक हकअधिकार उपयोग गर्दै थप अधिकारका लागि निरन्तर अघि बढ्नुपर्ने बताए । 


Advertisement

प्रदेश प्रमुख गुरुङले संवैधानिक व्यवस्थाअनुसार नेपाल धर्मनिरपेक्ष घोषणा भएको उल्लेख गर्दै धर्म संस्कृतिले मानिसलाई सत्कर्ममा लाग्न प्रेरित गर्ने विश्वास व्यक्त गरे । 

राम मन्दिर व्यवस्थापन समिति अध्यक्ष लीलाभक्त आचार्यले उनलाई स्वागत गर्दै मन्दिरको गतिविधिबारे अवगत गराराएका थिए । 


Advertisement

मन्दिर परिसरमा स्थानीय समाजसेवीलगायत भक्तजनको सहभागिता थियो ।

कमेन्ट गर्नुहोस्