मन्त्रिपरिषद्का पूर्व अध्यक्ष खिलराज रेग्मीले एकता, आपसी सद्भाव र प्रेमभाव प्रदर्शन गर्ने पर्व विजयादशमीले सबैलाई राष्ट्र निर्माणमा एकजुट हुन प्रेरणा मिल्ने विश्वास व्यक्त गरेका छन् ।

विजयादशमी २०७८ का अवसरमा बिहीवार एक शुभकामना सन्देश दिँदै सांस्कृतिक रूपमा समृद्ध हाम्रो नेपाली समाजमा विशेष रूपमा मनाइँदै आएको पर्व विजयादशमीको उपलक्ष्यमा सम्पूर्ण नेपाली दिदीबहिनी र दाजुभाइमा शुभकामना व्यक्त गर्दै उनले सो धारणा व्यक्त गरे ।

उनले सुख र समृद्धिको कामनासहित शुभकामना आदानप्रदान गरिरहँदा समग्र नेपालीको आमसरोकारको विषय स्मरण भइरहेको छ भन्ने सन्दर्भ उल्लेख गर्दै कोरोनाबाट सुरक्षित होऔं र सुरक्षित साथ दशैं मनाऔं भन्ने आह्वान पनि गरेका छन् ।