×

Nic Asia
Marvel

घर जान नपाउनेहरूको दशैं

अत्यावश्यकीय सेवामा खटिएकाहरू: जसले परिवारसँग बसेर दशैं मनाउन पाएनन् !

काठमाडाैं | असोज २९, २०७८

NTC
TVS INSIDE

नेपाल विद्युत् प्राधिकरणको काठमाडौंस्थित रत्नपार्क वितरण केन्द्रमा कार्यरत छन्, विराटनगरका यमुनाप्रसाद भट्टराई । 

IME BANK INNEWS
morang Auto yamaha

प्राधिकरणको चौथो तहअन्तर्गत इलेक्ट्रिकल फोरम्यान पदमा कार्यरत भट्टराई अहिले रत्नपार्क वितरण केन्द्रमा नोलाइटमा कल अपरेटरको (फोन कल रिसिभ गर्ने) जिम्मेवारी सम्हालिरहेका छन् । 


Advertisment
NMB BANK
Saurya island

उनले जागिर शुरू गरेदेखि नै दशैंमा बिदा लिएका छैनन् । 

यसपालि बिदा लिएर आफ्नो गाउँघरमै धुमधामले दशैं मनाउने सोचमा थिए उनी । 

Vianet communication
Maruti inside

बिदाबारे प्रमुख इन्जिनीयर (हाकिम)सँग कुरा पनि राखे । 

गत असोज १४ गते उनले आफ्नो हाकिमसँग दशैं बिदा लिने कुरा सुनाए । सुनाएका मात्र हैनन्, उनले बिदा नै मागेका थिए । 

बिदा मागेको केही दिन बित्दा पनि उनलाई बिदा मिल्ने कुनै छाँट देखिएन । 

त्यसको केही दिनपछि फेरि उनले आफ्नो प्रमुखसँग बिदा लिने कुरा सुनाए । तर त्यतिबेला भने उनलाई बिदा नलिन आग्रह गरियो । 

‘सरले सबै बिदा लिँदा समस्या हुन्छ, तपाईं त बस्नुपर्छ भन्नुभयो,’ लोकान्तरसँग उनले सुनाए, ‘त्यसपछि उहाँको कुरालाई नकार्न सकिनँ, यसपालि पनि दशैं यतै हुने भयो ।’

गएको वर्ष उनले दशैं मनाएनन् । त्यसको अघिल्लो वर्ष उनी दशैं मनाउन घर गएनन् । अहिले तीन वर्षको दशैंमा पनि उनी गाउँघर जान पाएनन् । 

विगत २८ वर्षदेखि नै उनले बिदा लिएर दशैं मनाउन पाएका छैनन् । 

यो सम्झँदा निकै खल्लो लाग्ने गरेको उनी बताउँछन् ।

उनको परिवारमा पत्नी र २ छोरीहरू छन् । छोरीहरू हुर्किसकेका छन् । यस वर्ष पनि दशैंमा बिदा नलिएपछि छोरीहरूले उनीमाथि गुनासो पोखिसकेका छन् । 

‘सबै सरकारी जागिरेहरूको बिदा हुने, तपाईंको नहुने कस्तो हो ? भनेर छोरीहरूले सोध्न थालिसके । पत्नीको पनि चाहना घरमै दशैं मनाउन पाइयोस् भन्ने नै हो,’ भावुक मुद्रामा उनी भन्छन्, ‘यी सबै देख्दा मनमा अमिलोपन आउँछ, निकै खल्लो लाग्छ, तर पनि काम त काम नै हो, जिम्मा लिएपछि पूरा गर्नै पर्छ, त्यसैले बसेको छु ।’

रत्नपार्क वितरण केन्द्र अन्य कार्यालयको तुलनामा बढी व्यस्त छ । सिंहदरबार, प्रधानमन्त्री निवास बालुवाटार लगायतका ठूला सरकारी निकायहरू, असन, पुतलीसडक जस्ता व्यस्त शहरहरू भित्रको विद्युत् व्यवस्थापन यसै कार्यालयले गर्दै आइरहेको छ । 

रत्न राई ग्राउण्ड अपरेसन– सिनियर म्यानेजर, बुद्ध एयरलायन्स एयरपोर्ट शाखा

बुद्ध एयरलायन्सका ग्राउन्ड अपरेसनका सिनियर म्यानेजर रत्न राई दशैं मनाउन घर जान पाएका छैनन् । 

अहिले उनी त्रिभुवन अन्तर्राष्ट्रिय विमानस्थलमा रहेको बुद्ध एयरको कार्यालयमा जिम्मेवारी सम्हाल्दै आइरहेका छन् ।

उनको घर खोटङ हो । उनले बुद्ध एयरमा काम शुरू गरेको २२ वर्ष भइसकेको छ । यस बीचमा उनी दशैं मनाउन घर जान पाएका छैनन् । 

उनी भन्छन्, ‘मैले काम शुरू गरेदेखि नै दशैं मनाएको छैन, २२ वर्ष भयो ।’

मुख्य चाडबाडमा घरमा सबै भेला हुँदा एक किसिमको दशैं लाग्छ । महान चाड दशैंमा नै नजाँदा मन चिसो भएको महशुस गर्छन्, उनी । 

‘सम्झियो भने मन खल्लो हुन्छ, यसलाई हामीले भुलेर नै काम गर्नुपर्ने बाध्यता वा जिम्मेवारी रहेको छ,’ उनी सुनाउँछन् ।

चाडबाडमा घर जान नपाउँदा कहिलेकाहीँ त विरक्त लाग्छ उनलाई । कहिले काहीँ त कस्तो काम रोजेछु मैले भन्ने समेत लाग्ने गरेको उनी सम्झन्छन् । तर यी सबै सोचाईभन्दा माथि त जिम्मेवारी नै छ । र फेरि जिम्मेवारी पूरा गर्नतर्फ लाग्छन् उनी । 

‘मुख्य कुरा जिम्मेवारी रहेछ, जिम्मेवारी बोध हुँदासम्म अन्य सबै कुरा व्यवस्थापन गर्न सकिने रहेछ, त्यसले सान्त्वना दिने रहेछ,’ उनी भन्छन् । 

उनको परिवारमा पत्नी र २ जना साना छोराहरू छन् । उनीहरू काठमाडौंमै छन् । उनीहरू ललितपुरको ढोलाहिटीमा बस्दै आएका छन् । दशैंमा एकछिन अफिसबाट निस्किएर परिवारसँग टीका साटासाट गरेर काममै फर्कने उनको तयारी छ । 

गाउँमा गएर दशैं नमनाएको २२ वर्ष भयो । गाउँको याद उनलाई निकै आउँछ । यस्तै परिवारका सदस्यहरूले पनि गाउँ जानका लागि मरिहत्ते गर्छन्, तर पनि राईले आफ्नो व्यस्तता चिर्न सक्दैनन् । 

‘श्रीमतीले कहिलेकाहीँ त झोक्किनु पनि हुन्छ, घर जाउँ भनेको कति वर्ष भइसक्यो, तर अहिलेसम्म जान सकिएको छैन । यो पटक पनि श्रीमतीले धेरै जोड गर्नुभएको थियो, तर व्यवस्थापन गर्ने पर्ने रहेछ,’ लोकान्तरसँग उनले सुनाए । 

उनी मातहतमा मात्रै करीब २ सय जना कर्मचारीहरू रहेका छन् । त्यसमा धेरै जसो घर जान पाएका छैनन् । निकै न्यून मात्रामा मात्रै कर्मचारी दशैं मनाउन घर गएको उनी सुनाउँछन् । 

अहिले घर नजानेहरूमध्ये कतिपय भने तिहारमा जाने सोचमा छन्  ।

उनी स्वयं पनि तिहारमा घरमा जाने विचारमा छन् । ‘एउटा बहिनी छन्, उनको हातबाट टीका लगाउन जसरी पनि जानु पर्छ नै भन्ने छ,’ उनले सुनाए ।

TATA Below
NLIC
fman
बैशाख १९, २०७९

कञ्चनपुर, भीमदत्त नगरपालिकाका उम्मेदवारहरूको घोषणापत्र हेर्ने हो भने विकास निर्माणको काम चुट्की मै गर्छौं भन्ने देखिन्छ । तर, यस्ता लोकरिझ्याइँ मुद्दा पहिले पनि नउठाइएका भने होइनन् ।  उम्मेदवारले उठा...

बैशाख २४, २०७९

व्यस्त दरबारमार्ग । दरबारमार्गको अगाडि नारायणहिटी दरबार । नारायणहिटीको अगाडि छ दरबार मल ।  दरबार मलको माथिल्लो तलामा देख्न सकिन्छ हिमालयन जाभा कफी हाउस ।  व्यस्त दरबारमार्गमा जो कोहीले त्यो कफ...

बैशाख २१, २०७९

कैलालीको गोदावरी नगरपालिकाको अत्तरियास्थित विष्ट टोलका मतदाता नेताहरूले यसअघि गरको प्रतिबद्धता पूरा नगरेको र जनताका पक्षमा काम नगरेको भन्दै असन्तुष्ट छन् । गोडेपानी खोलाले विष्ट टोललाई बर्सेनि समस्या दिन्छ भन...

बैशाख २७, २०७९

स्थानीय तह निर्वाचन रिपोर्टिङको क्रममा मधेश प्रदेशमा लोकान्तरकर्मीहरू चहारिरहेका थियौं । जनकपुरबाट सिरहाको लहान र सप्तरी हुँदै प्रदेश–१ प्रवेश गर्नेक्रममा थियौं । हाम्रो गन्तव्य सुनसरीको इटहरी थियो ।  ...

बैशाख २६, २०७९

नेपालकै होचो स्थान भनेर चिनिएको झापाको कचनकवललाई यसपटक स्थानीय तह चुनावले फेरि राष्ट्रिय राजनीतिको चर्चामा ल्याएको छ । कचनकवलमा भइरहेको चुनावी गठबन्धनलाई राष्ट्रिय रूपमा नै चासोका साथ हेरिएको छ । स्थानीय ...

बैशाख २५, २०७९

देशैभर सत्तारुढ ५ दलीय गठबन्धनले आगामी वैशाख ३० गते हुने स्थानीय चुनावको माहोल तताइरहेको छ । कैलालीको टीकापुरमा वैशाखको ३४ डिग्री गर्मीलाई बेवास्ता गर्दै प्रमुख राजनीतिक दल नेकपा माओवादी केन्द्र र कांग्रेस...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

स्वार्थ बाझिने मुद्दा आए न्यायाधीशले के गर्ने ?

स्वार्थ बाझिने मुद्दा आए न्यायाधीशले के गर्ने ?

जेठ ९, २०७९

सार्वजनिक जिम्मेवारी वा पदमा रहेका व्यक्तिले एकातर्फ आफ्ना जिम्मेवारी इमान्दारितापूर्वक निर्वाह गर्नुपर्छ भने अर्कोतर्फ सो कार्यसम्पादनमा विभिन्न किसिमका निजी स्वार्थहरू पनि उपस्थित हुनसक्छन् । यस्तो पदीय कर्तव्य र निजी स्व...

'नेताले माओवादी छाडे तर जनताले छाडेनन्'

'नेताले माओवादी छाडे तर जनताले छाडेनन्'

जेठ ४, २०७९

रातको १ बजे यो आलेख लेख्दासम्म नेकपा माओवादी केन्द्रले देशभरका ७९ स्थानीय तहमा विजय हाँसिल गरेको छ, साथै ३८ स्थानमा अग्रता कायम गरेको छ ।  यसरी हेर्दा माओवादीले ११०–१२० स्थानीय तह जित्ने आकलन ग...

ad
x