बेलायतमा सांसदको हत्या गर्ने व्यक्तिको तस्वीर सार्वजनिक

बेलायतमा सांसदको हत्या गर्ने व्यक्तिको तस्वीर सार्वजनिक

बेलायती सांसद सर डेभिड आमेसको हत्या गर्ने आतंकवादीको तस्वीर सार्वजनिक गरिएको छ । 


Advertisement

अली हर्बी अली नामक २५ वर्षीय युवकलाई प्रहरीले आमेसको हत्याको आरोपमा पक्राउ गरेको छ । कन्जर्भेटिभ पार्टीका आमेस आफ्नो क्षेत्र साउथएन्ड वेस्टमा जनतालाई शुक्रवार अपराह्न भेट्न जाँदा पक्राउ परेका थिए । 


Advertisement

इस्लामी अतिवादीले ६९ वर्षीय आमेसलाई नै किन आक्रमण गरेको हो भन्ने विषयमा प्रहरी र गुप्तचर अधिकारीहरूले केही थाहा पाउन सकेका छैनन् । 

आमेस कट्टर क्याथोलिक र ब्रेक्जिटपक्षधर भउकाले उनलाई राजनीतिक विचारधारा वा धर्मको आधारमा आक्रमण गरिएको हुनसक्ने अनुमान शुरूमा गरिएको थियो । 


Advertisement

तर उनीमाथि आक्रमण गर्ने कुनै विशेष उद्देश्य नरहेको विश्वास अनुसन्धानकर्मीहरूले अहिले आएर गरेका छन् । हत्याका आरोपी अलीले जसलाई पाए पनि मार्ने योजना बनाएको र आमेस त्यसक्रममा तारो बनेको उनीहरूले विश्वास गरेका छन् । 

अली सोमालियाबाट आएर बेलायतमा बसोबास गरिरहेको परिवारका सदस्य थिए । क्रोइडोनस्थित घरमा उनी आमा, दुई बहिनी र एक भाइसँग बस्ने गर्थे । अन्जेम चौधरी नामक कुख्यात धर्मप्रचारकको युट्युब भिडियो हेरेपछि उनी कट्टरपन्थी बनेका थिए । 

उनलाई बेलायत सरकारको प्रतिआतंकवादी कार्यक्रम प्रिभेन्टमा पठाइएको थियो तर उनको व्यवहार उग्रवादी नरहेको भन्दै गुप्तचर संस्था एमआई५लाई खबर गरिएको थिएन । 

एकल आक्रमणकारी आतंकवादीहरू कोभिड–१९ को लकडाउनपछि घरबाट निस्केर आक्रमण बढाउन सक्ने चेतावनी गुप्तचर अधिकारीहरूले मन्त्रीहरूलाई चेतावनी दिएको बेलामा यो आक्रमण भएको हो ।
 

एजेन्सी
एजेन्सी

लेखकबाट थप...

कमेन्ट गर्नुहोस्