२५ जेठ २०८३, सोमबार
अफगानिस्तानमा गरीब परिवारका मानिसले ऋण तिर्नका लागि आफ्ना छोराछोरीलाई बेच्नु परिरहेको भयावह घटना सार्वजनिक भएको छ ।
देशको अर्थतन्त्र लगभग धराशायी भएको बेलामा यस्तो घटना भइरहेको हो ।
सालेहा नामक एक महिला हेरात शहरमा घरको सरसफाइ गरेर दिनको जम्मा ८० रुपैयाँ कमाउँछिन् । परिवारलाई खुवाउनका लागि उनले एकजनासँग ६६ हजार रुपैयाँ ऋण काढेकी थिइन् ।
वाल स्ट्रीट जर्नलमा प्रकाशित खबरअनुसार, तीन वर्षीया छोरी नजिबालाई बेचेका ऋण मिनाहा गरिदिने ती व्यक्तिले भनेको सालेहा बताउँछिन् ।
सालेहाले तीन महिनामा ऋण तिर्न सकिनन् भने छोरी लैजाने र आफ्नो एक छोरासँग बिहे गरिदिने पैसा दिनेले बताएका छन् ।
सालेहा जस्तै अरू मानिस पनि अफगानिस्तानमा दयनीय अवस्थामा बसिरहेका छन् । त्यहाँ नगद सञ्चितिको अभाव छ र अन्तर्राष्ट्रिय सहायता कटौती गरिएको छ ।
हेरातका अन्य परिवारले पनि ऋण चुक्ता गर्नका लागि छोराछोरी बेच्न बाध्य भएको स्थानीयहरू बताउँछन् ।
