वैद्यको स्वास्थ्य अवस्थाबारे जानकारी लिन अस्पताल पुगे प्रचण्ड

वैद्यको स्वास्थ्य अवस्थाबारे जानकारी लिन अस्पताल पुगे प्रचण्ड

नेकपा (क्रान्तिकारी माओवादी)का महासचिव मोहन वैद्य ‘किरण’को स्वास्थ्य अवस्था बुझ्न नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ सोमवार नर्भिक अस्पताल पुगेका छन् । 


Advertisement

अस्पतालमा करीब २० मिनेट बसेका उनले वैद्यको स्वास्थ्य अवस्थाबारे जानकारी लिएका थिए । 


Advertisement

प्रचण्डसँगै नेता वैद्यलाई भेट्न माओवादी केन्द्रका नेताहरू कृष्णबहादुर महरा, मातृकाप्रसाद यादवलगायत पनि अस्पताल पुगेका थिए । 

नेता वैद्यको स्वास्थ्य अवस्थामा सुधार भइरहेको उपचारमा संलग्न चिकित्सकहरूले बताएका छन् । 


Advertisement

वैद्यलाई एक्कासि दम बढेर छातीमा पीडा भएपछि उनलाई आइतवार बिहान अस्पताल भर्ना गरिएको हो । 

अस्पताल ल्याएलगत्तै उनको छातीको एक्सरे गरिएको र सो क्रममा सामान्य दागसमेत देखिएको अस्पतालको भनाइ छ । 

नेता वैद्य लामो समयदेखि दमबाट पीडित भएकाले आइतवार बिहान उनीमा देखिएको समस्या गम्भीर भने नरहेको उपचारमा संलग्न चिकित्सकहरूले बताएका छन् ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्