रामेछापको लिखुतामाकोसी गाउँपालिका–६ वडा कार्यालयको आयोजना तथा नेपाल बैंक लिमिटेडको सहकार्यमा २३ असोजमा तामाकोसी जनजागृति मा.वि. खिम्तीमा डिजिटल बैंकिङ वित्तीय साक्षरता कार्यक्रम गरिएको छ । सो अवसरमा दशैंतिहारको शुभकामना आदानप्रदान पनि गरिएको थियो । 

कार्यक्रममा प्रमुख अतिथि बागमती प्रदेशका वन, वातावरण तथा उद्योग मन्त्री शान्तिप्रसाद पौडेलले आर्थिक विकासको लागि सरकार र बैकिङ क्षेत्रको सहकार्यको अनिवार्य आवश्यकता रहेको र यसको लागि सरकार सधैं तयार रहेको कुरा बताए । 

नेपाल बैंकका प्रमुख कार्यकारी अधिकृत कृष्णबहादुर अधिकारीले ग्राहकले बैंकप्रति देखाएको विश्वास प्रति कृतज्ञता प्रकट गरे । उनले नेपालको पहिलो बैंकको रुपमा रहेको नेपाल बैंकले ग्राहकको चाहना अनुसार प्रतिस्पर्धी मूूल्यमा गुणस्तरीय बैंकिङ सेवा उपलब्ध गराएको जानकारी गराए । 

वडाध्यक्ष शिवप्रसाद न्यौपानेको सभापतित्वमा सञ्चालित सो वित्तीय साक्षरता कार्यक्रममा रामेछापका प्रमुख जिल्ला अधिकारी दीपक पहाडी, रामेछाप जिल्लाका प्रहरी प्रमुख नवराज ढुंगाना, लिखुतामाकोसी गाउँपालिकाका उप–प्रमुख दिपशिखा दाहाल र नेपाल बैंकका बागमती प्रादेशिक कार्यालयका प्रमुख विनय केसरी पौडेल, व्यवसायी, उद्योगी, विद्यार्थीलगायतको उपस्थिति थियो ।