०५ साउन २०८३, मंगलबार
अमेरिकाको सीएनबीसी टीभीकी संवाददाता हेड्ली ग्याम्बलले रुसका राष्ट्रपति भ्लादिमिर पुटिनसँग फ्लर्ट गर्न खोजेको आरोप लागेको छ ।
शारीरिक हाउभाउको अध्ययन गर्ने ड्यारन स्ट्यान्टनले पुटिनसँग मस्किनका लागि ग्याम्बलले विभिन्न उपाय अपनाएको बताए ।
ग्याम्बलले पुटिनलाई गत साता मस्कोमा आयोजित ऊर्जा सम्मेलनमा भेटेकी थिइन् ।
महिलाले पुरुषसँग मस्किने १० वटा संकेत हुन्छन् र ग्याम्बलले तीमध्ये आठवटा जति संकेत देखाएको स्ट्यान्टनको भनाइ छ ।
कपाल औैैंलाले घुमाउने, जुत्ता चलाउने, हावामा खुट्टा घुमाउने, आँखीभौं सन्काउने लगायतका संकेतले महिला पुरुषसँग भेटेर साँच्चै खुशी भएको देखाउँछ ।
आरटीले पनि ग्याम्बल पुटिनसँग मस्किरहेको टिप्पणी गरेको थियो ।
तर ग्याम्बलले हाँस्दै यो टिप्पणीलाई अस्वीकार गरिन् ।
