विपद्

‘भाइरल रोड’ कटानपछि महाकाली नदी गाउँ पस्ने खतरा, वडाध्यक्षसहित १२ सय परिवार विस्थापित

‘भाइरल रोड’ कटानपछि महाकाली नदी गाउँ पस्ने खतरा, वडाध्यक्षसहित १२ सय परिवार विस्थापित
फोटो : रासस

महाकाली नदीमा आएको बाढीले ‘भाइरल रोड’ कटान गरिसकेपछि नदी गाउँ पस्ने खतरा रहेको छ ।


Advertisement

भीमदत्त नगरपालिकाको १३ नम्बर वडाका वडाध्यक्ष लालबहादुर शाहीले नदी र गाउँको बीचमा तटबन्धको समेत काम गर्ने ठानिएको भाइरल रोड पूरै कटान भइसकेकाले अब महाकाली गाउँ पस्ने खतरा रहेको जानकारी दिए ।


Advertisement

‘अब २–३ मिटर मात्रै कटान गर्न बाँकी छ भन्ने जानकारी आएको छ, म आफैं त्यहाँ जानसक्ने अवस्था छैन । महाकाली गाउँ पसेपछि ऐरी, ओदाली, पिपरैया र बडैपुर गाउँमा बाढी पस्नेछ,’ उनले भने ।

वडाध्यक्ष शाहीको परिवार नै विस्थापित भएर विद्यालयमा आश्रय लिन पुगेको छ । महाकाली नदीमा एक–डेढ लाख क्यूसेक पानी बगिरहेकाले सबै गाउँ पस्ने खतरा रहेको उनले बताए ।


Advertisement

क्षति न्युनीकरण गर्न प्रभावित हुनसक्ने गाउँका १२ सय बढी परिवारलाई पूर्ण मावि ऐरी, भागरथी प्रावि, सिद्धनाथ माविमा राखिएको शाहीले बताए । बाढीबाट महाकाली नदी किनारका १२ र १३ नम्बर वडा विस्थापित हुनसक्ने बताइएको छ । 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्