बिजुलीको तार जोड्ने काम सरकारी प्राविधिकले गर्छन् । तर कहिलेकाहीँ असामान्य अवस्था पनि देख्न/सुन्न पाइन्छ ।

भारतको पञ्जाबका मुख्यमन्त्री चरणजीतसिंह चन्नी बिजुलीको तार जोड्न आफैं पोलमा चढेका छन् । समयमै विद्युत् महशुल नतिरेको भन्दै विद्युत् विभागले लाइन काटिदिएको खबर सुनेका मुख्यमन्त्री चन्नीले आफैं आएर तार जोडेका हुन् ।

पञ्जाब प्रदेश कांग्रेस सेवा दलको फेसबूक पेजमा शेयर गरिएको तस्वीरमा लेखिएको छ, ‘बिजुलीको बिल बक्यौता भएपछि विभागले एक किसान परिकारको लाइन काटिदिएको थियो । पञ्जाब सीएम चन्नी साहेबले आफ्नै हातले पुनः लाइन जोडिदिए ।’ मुख्यमन्त्री चन्नी भारतीय कांग्रेस पार्टीबाट मुख्यमन्त्री बनेका हुन् ।
 

बिजली बिल बकाया होने पर विभाग ने एक किसान परिवार का कनेक्शन काट दिया था, पंजाब सीएम #चन्नी साहब ने खुद अपने हाथों से पुनः कनेक्शन जोडा । पंजाब कांग्रेस जिंदाबाद ,चन्नी साहब जिन्दाबाद pic.twitter.com/xwPplv60d9

— Punjab Pradesh Congress Sevadal (@SevadalPB) October 21, 2021