साप्ताहिक राशिफल : २०७८ कार्तिक ७ देखि कार्तिक १३ सम्म

साप्ताहिक  राशिफल  : २०७८ कार्तिक ७ देखि कार्तिक १३ सम्म

मेष


Advertisement

धार्मिक, आध्यात्मिक प्रवृत्तिका मानिसहरूसँग केहि समय बिताउँदा मन खुशी हुनेछ । आर्थिक स्थितिमा  सुधार रहनेछ । भूमि -जग्गा लिने सोचलाई स्थगित गर्दा नै उचित रहनेछ । मित्रता, प्रेम र दाम्पत्य सम्बन्ध सुमधुर रहने समय छ । कठिन काम पनि साथीको सहयोगले बन्ने देखिन्छ । कृषिजन्य व्यापारिक कार्यमा सफलता मिल्नेछ, आँटेको काम पूर्ण हुनेछ । शत्रु परास्त हुनेछन् । स्वास्थ्यमा अचानक गडबडी आउने सम्भावना देखिन्छ ।


Advertisement

वृष

नियम, अनुशासनमा बसेर काम गर्दा फाइदा मिल्नेछ । आम्दानी बढ्नाले परिवारजनका आवश्यकता पूरा हुनेछन् । यो हप्ता विबादमा नपर्नुहोला । आफ्नो राम्रो छवि पनि बिग्रनसक्ने सम्भावना छ । आँटेको काम बन्नेछ साथै मनोरञ्जनका साथ दिन बित्नेछ ।  दुर्गमस्थान र टाढाको यात्रा सम्भावना छ । पढाइ लेखाइमा प्रगति हुनेछ । नया काम सम्बन्धि योजना बनाउँदा फाइदा हुन सक्छ, साथै ब्यापारब्यवसायबाट पनि लाभ मिल्ने देखिन्छ ।


Advertisement

मिथुन

आफ्नो वोलीको प्रभाव कम रहला, आफ्नो पैसामा अरुले गलत प्रयोग गर्लान, आर्थिक कारोवार नगर्दा नै उत्तम रहनेछ, आफ्नो घरेलु बाद- विवाद गोप्य  राख्नुहोला अरुहरु केवल रमिते मात्रै हुनेछन् । सुरुमा कामका कुराले मनमा द्विविधा बढ्न सक्छ तरपनि पछि काम बन्छ आम्दानीका स्रोतहरू बड्नाले मन प्रसन्न रहला । प्रेम सम्बन्धमा विश्वासको मात्रा बड्नेछ । दाजुभाइको सहयोग पनि प्राप्त हुनेछ ।

कर्कट

वायु प्रदूषणले आँखामा समस्या ल्याउन सक्नेछ । आर्थिक कारोबारमा सफलता पाइएला ।  प्रेम सम्बन्ध कसिलो हुनेछ । नयाँ ज्ञान सिक्ने मौका मिल्नेछ । कुनै तर्कमा परेर कठोर टिप्पणीबाट बच्नुहोस । कृषि र व्यवसायमा उन्नति हुनुका साथै अन्य काममा पनि मनग्य धन कमाउने अवसर जुट्नेछ ।  शारीरिक दुर्बलता बढ्नेछ । आफन्तजनबाट सहयोग प्राप्त हुनेछ ।  प्रशस्त धन लाभ हुनेछ ।

सिंह

अगाडी राम्रो समय आउँदैछ भनेर खुसी हुनुहोस्, तपाईलाई अतिरिक्त उर्जा प्राप्त हुनेछ । यो हप्ता आफ्नो जोडीले हजुरलाई स्वर्ग पृथ्वीमा नै छ भन्ने महसुस गराउन सक्ने छन् । अप्ठ्यारा चुनौतीहरूलाई पनि सजिलै पन्छाउन सकिनेछ । बोलीको प्रभाव बढ्नुका साथै मानसम्मान समेत पाइनेछ । आर्थिक समुन्नतिको योग छ ।  शिक्षा र बौद्धिक क्षेत्रमा प्रगति हुनेछ । व्यापार–व्यवसायमा पनि फाइदा होला ।

कन्या

धन प्राप्तीको योग छ, आफन्तजनहरूले माया ममता दर्साउन सक्नेछन्  । जीवन-साथीसँग वार्तालापमा ध्यान  दिनुहोला, दाम्पत्य जीवनमा दरार हुनसक्नेछ । ठुला मान्यजनको मार्गनिर्देशनले जीवनमा सफलता मिल्नेछ ।  मेहनतले नयाँ काम र जिम्मेवारी दिलाउनेछ । परोपकारमा मन जाला । तपाइलाई काम गर्न मन लाग्नाले मनमा खुशी मिल्नेछ, आफन्तले पनि काममा साथ दिने छन । बौद्धिक कार्यबाट थोरै भए पनि लाभ हुनेछ ।

तुला

शरीरमा उत्पन्न रोगले दुःख दिँदा  मन  पिडाले दुखित हुनेछ । स्वास्थमा गिरावट हुदा मनलाई समाल्न आफन्तजनसँग फोनमा वार्तालाप गर्न उचित रहनेछ ।आवश्यक र उपलब्धीमूलक रमाइलो यात्रा हुन सक्छ । सकारात्मक र व्यवहारिक सोचको विकास हुनेछ । बन्दव्यापारबाट लाभ मिल्नेछ र स्वास्थ्यमा कुनै समस्या देखिने छैन, पढाइमा सफलता मिल्ने हप्ता छ । स्वस्थ्ययमा सुधार हुने भयकोले नया काममा ध्यान दिएमा मान सम्मान मिल्नेछ ।

वृश्चिक

जिबनलाई एक महत्वपूर्ण  परिभाषा दिनुहोला,  अनावश्यक समयलाई बर्बाद बनाएर उर्जाशिल समय ब्यर्थमा नफाल्नु होला  ।  रचनात्मक काममा लाग्नु होला । हप्ता  राम्रै बित्ला । काम बन्नाले मन रमाउने छ । गुरुजनको सहयोग र बुद्धिको उपयोगले लक्ष्य पहिल्याउन सकिनेछ । ठूला व्यक्तिको आसा र भरोसापनि तपाइ प्रतिरहनेछ । हातहतियारबाट जोग्गिएर काम गर्नुहोला, छरछिमेकसंग सामान्य मनमुटाव  हुने देखिन्छ ।

धनु

यो हप्ता सामान्य नै रहेको छ । अध्ययन- अध्यापन क्षेत्रमा रोकावट हुनेछ ।  पठन-पाठनमा विद्यार्थीवर्गहरुले बिशेष ध्यान दिनुहोला । दिन निराशाजनक रहने छ  ।  बोल्दा धेरैकामहरु सहज हुनेछन । पशुपालन तथा कृषि क्षेत्रबाट राम्रो लाभ मिल्ने योग छ । समय सुखमय बित्ने देखिन्छ । पढाइलेखाइमा प्रगति हुनेछ । ठूलाव्यक्तिहरुबाट आलोचना हुनेछ, कसैसंग बादविवादको पनि संभावना छ । व्यावसायिक काम बीचमा अवरुद्ध बन्न सक्छ ।

मकर

सवारीसाधनमा नयाँठाउँ घुम्न जान पाइने छ ।  यात्रागर्दा आफ्नो सामानको रक्षा गर्नुहोला,  हराउनसक्ने योग छ ।  धार्मिक, सामाजिक कर्ममा मनअग्रसर भइनेछ । सोच्दै नसोचेको स्थानबाट लाभ हुनेछ । उद्योग र व्यापारमा विशेष फाइदाको योग छ । सहयोग र नयाँमित्रको आगमनले  अन्तत मन प्रसन्न हुनेछ, अन्य विविध फाइदा पनि हुन सक्छ । कुराकाटनेहरु प्रसस्थ  बढनेछन ।

कुम्भ

साझेदारी ब्यापारमा लाभ देखिन्छ । व्यक्तिगत सम्बन्धमा अप्ठ्यारो महसूस हुन सक्छ ।  सतर्क रहेर सम्बन्धको गहिराइलाई बुझ्नुहोला । तपाईंको जोडी यो हप्ता तपाईंको स्वास्थ्यलाई लिएर असंवेदनशील हुन सक्नुहुन्छ । पढाइ लेखाइमा रुची बढ्नेछ,आफ्ना सहयोगी  र सेवक वर्गबाट सहायता मिल्नेछ । समय मनोरञ्जनपूर्ण रहनेछ । खर्च गर्दा होस पुर्याउनु होला । स्वास्थ्यका लागि खानपानमा सजग रहनुहोला ।

मीन

विवाद चर्किन सक्ला । बोलीलाई संयमित राखेर कार्य बढ्दा बुद्धिमता रहला । झगडा हुनाले आफ्नो छवि ओरालो लागेको महसूस हुन सक्छ । परिश्रमले आफनु लक्ष पुरागर्न सकिनेछ, नोकरि र राजनितीमा केहि अप्ठ्याराको सामना गर्नु पर्नेछ  पारिवारिक समस्याले पिरोलेता पनि बिस्तारै समाधान तिर उन्मुख हुनेछ । अनावस्यक झमेलामा परिएला ।  केही हानि हुनसक्छ, सावधान रहनु होला । चोटपटकको भय पनि छ ।

ज्यो. पं.  घनश्याम पोख्रेल  (९८४१४७९७०७)

[email protected]

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्