इटलीको रोममा आयोजित जी२० शिखर सम्मेलनमा सहभागी ब्राजिलका राष्ट्रपति जाइर बोल्जोनारोलाई प्रश्न सोध्ने पत्रकारलाई बोल्जोनारोका सुरक्षाकर्मीले कुटपिट गरेका छन् । 

ब्राजिलबाट बोल्जोनारोको समाचार बनाउन गएका पत्रकारहरूले कुटपिट बेहोरेका हुन् । 

बोल्जोनारोले पत्रकारहरूसँग लामै समयदेखि दुश्मनी राख्ने गरेका छन् । आफूविरुद्ध पत्रकारहरूले झूटो खबर दिने गरेको उनको गुनासो छ । 

बोल्जोनारो रोमका सडकमा ब्राजिलको राष्ट्रिय टोलीको जर्सी लगाएका मानिसलाई भेट्न पैदलै हिँडिरहेका बेलामा पत्रकारले प्रश्न सोधेका थिए । 

बाटोमा उनलाई ब्राजिलमा कोरोनाभाइरस संकट व्यवस्थापन नगरेको भनी चर्को आलोचना गरिएको थियो । केहीले उनलाई नरसंहारकारी समेत भनेका थिए । 

रिपोर्टरहरूको घटनाको भिडियो खिचेका थिए । त्यसमा बोल्जोनारोका अंगरक्षकहरूले पत्रकारलाई हातपात गरेको अपन उनीहरूलाई धकेलेर सडकबाट हुत्याएको देखिन्छ । बोल्जोनारो भने समर्थकहरूसँग सेल्फी लिएर र कुरा गरेर बसिरहेको देखिन्छ । 

यस विषयमा पछि कुरा गर्दै बोल्जोनारोले भने, ‘यी पत्रकारहरूले मविरुद्ध लामो समयदेखि जथाभावी लेख्दै आएका छन् । कुनै व्यक्तिको छवि यसरी खराब बनाउन मिल्दैन । यो कस्तो पत्रकारिता हो ?’
 

Violência da polícia italiana e brasileira contra os jornalistas que acompanham Bolsonaro pelas ruas de Roma. Equipes agredidas, meu celular levado por um dos policiais e muita confusão. pic.twitter.com/edYo7Xb1WV

— Jamil Chade (@JamilChade) October 31, 2021