भारतको उत्तर प्रदेशका मुख्यमन्त्री योगी आदित्यनाथले गरीबलाई निःशुल्क खाद्यान्न वितरण गर्ने योजनालाई होलीसम्म लम्ब्याएका छन् ।

बुधवार अयोध्यामा भव्य दीप उत्सव कार्यक्रममा सहभागी हुँदै मुख्यमन्त्री योगीले गरीबलाई महिनैपिच्छे १ किलो खाद्य तेल, १ किलो दाल र १ किलो नून निःशुल्क दिने जानकारी दिए ।

यसअघि योगी सरकारले निःशुल्क खाद्यान्न योजना अन्तर्गत हरेक महिना प्रतिव्यक्ति ५ किलो खाद्यान्न दिँदै आएको छ । जुन योजनाबाट १५ करोड प्रदेशवासी लाभान्वित रहेका भारतीय सञ्चारमाध्यमले जनाएका छन् ।