०१ असार २०८३, सोमबार
नर्वेको राजधानी ओस्लोमा मंगलवार एक अर्धनग्न व्यक्तिले सडकपेटीमा हिँडिरहेका बटुवाहरूलाई जथाभावी चक्कु प्रहार गरेपछि प्रहरीले उनलाई गोली हानेर मारेको छ ।
त्यहाँको स्थानीय सञ्चारमाध्यमले आक्रमणकारीहरूको भिडियो फूटेज जारी गरेको छ । उक्त व्यक्तिले कम्मरभन्दा माथि केही लगाएको थिएन र चक्कु उज्याएको थियो ।
चक्कु आक्रमणमा एकजनाभन्दा बढी पीडित भएको प्रहरीले जानकारी दिएको छ तर उनीहरूको स्वास्थ्यका बारेमा थप बताएको छैन ।
प्रहरीको गश्ती टोलीको गाडीले बिस्लेट टोलमा आक्रमणकारीलाई हिर्काएर लडाउन खोजेको थियो ।
उसले गाडीमा आक्रमण गरेर ढोका खोल्न सफल भएको प्रहरी प्रवक्ता टोरगेर ब्रेन्डनले बताए ।
त्यसपछि प्रहरीले उसमाथि कैयौं गोली प्रहार गरेको थियो ।
उसलाई नजिकैको अस्पतालतिर लगिएको र त्यहीँ उसको मृत्यु भएको थियो ।
WARNING: GRAPHIC CONTENT
— RT (@RT_com) November 9, 2021
A knife-wielding man was mowed down by a police car before being shot by officers in Norway Tuesday morning pic.twitter.com/Tbgu22Oohs
