न्युजील्यान्डकी प्रधानमन्त्री जासिन्डा आर्डर्नले कोभिडका विषयमा अप्डेट दिनका लागि फेसबूक लाइभ गरिरहेको बेलामा छोरी नेभेले अवरोध गरेकी छन् ।

लाइभ शुरू भएको तीन मिनेटमा नेभेले मम्मी भन्दै बोलाएकी थिइन् । 

त्यसपछि आर्डर्न मुस्काएर छोरीसँग कुरा गर्न थालिन् । 

उनले नेभेलाई भनिन्, ‘तिमी त सुत्नलाई ओछ्यानमा जानुपर्ने थियो । सुत्ने बेला भयो । ओछ्यानमा जाऊ, म एकछिनमा तिमीलाई हेर्न आउँछु ।’

त्यसपछि नेभेलाई आर्डर्नकी आमाले ओछ्यानमा लग्छिन् । आर्डर्न त्यसपछि क्यामरातिर फर्किन्छिन् र माफी माग्छिन् । छोरी नेभेले त्यसपछि पनि आमा आर्डर्नलाई भेट्न आएकी थिइन् । 

आर्डर्नकी छोरी नेभे सन् २०१८ को जुन महिनामा जन्मेकी थिइन् ।