२८ जेठ २०८३, बिहीबार
ह्युन्डाई कम्पनीले सन् २०२८ मा उड्ने विद्युतीय ट्याक्सीहरू बेच्ने योजना सार्वजनिक गरेको छ । उक्त ट्याक्सीमा पाँचजना यात्रु अटाउनेछन् ।
ट्याक्सी वितरणका लागि ह्युन्डाईले सुपरनाल नामक कम्पनी बनाएको छ ।
अमेरिकामा राखिने उक्त कम्पनीले उड्ने ट्याक्सीहरूका लागि ट्रान्सपोर्ट हब बनाउनेछ । त्यसलाई भर्टिपोर्ट नाम दिइनेछ ।
ह्युन्डाइले उड्ने ट्याक्सीको अवधारणा पोहोर साल अमेरिकाको लास भेगासमा आयोजित कन्ज्युमर इलेक्ट्रोनिक्स शोमा सार्वजनिक गरेको थियो ।
उसले उबरसँग साझेदारी गर्ने घोषणा समेत गरेको थियो । उबरले अन्य उड्ने ट्याक्सी कम्पनीहरूसँग पनि साझेदारी गरेको छ ।
