काठमाडौं, १० असार – चलचित्र ‘प्रेमगीत २’ को ट्रेलर नम्बर वान ट्रेन्डिङमा उक्लेको छ । रिलिजको समय नजिकिँदै गर्दा विभिन्न कारणले चर्चामा आइरहेको ‘प्रेमगीत २’ को ट्रेलरमा मिश्रित प्रतिक्रिया आइरहेका छन् ।
रामशरण पाठक निर्देशित उक्त चलचित्रमा प्रदीप खड्का र अश्लेषा खड्काको जोडी देख्न सकिन्छ । चलचित्रमा प्रेम अर्थात प्रदीप र गीत अर्थात अश्लेषा ठकुरीको जोडीलाई प्रस्तुत गरिएको छ ।
सन्तोष सेनले निर्माण गरेको चलचित्र ‘प्रेमगीत २’ चलचित्रको रिलिज हुनुपूर्व नै चर्चा पाइरहेको छ । कहिले एक्सनका दृश्य बाहिर आएर त कहिले ट्रेलरमा डिसलाइक धेरै आएर चर्चामा आइरहेको चलचित्र आउँदो साउन १३ गतेबाट प्रदर्शनमा आउँदैछ ।
