काठमाडौं, ११ असार– बेल्जियमको एक अदालतले संयुक्त अरव इमिरेट्सका आठ राजकुमारिलाई मानव तस्करीमा दोषी ठहर गरेको छ ।
यीनिहरुमा आफ्ना नोकरहरुमाथि अमानवीय व्यवहार गरेको समेत आरोप लागेको छ ।
अदालतले यी राजकुमारिलाई १५ महिनाको सजाय दिएको छ र हरेकलाई १ लाख ८५ हजार डलर जरिवाना तिर्न आदेश दिएको छ ।
यी राजकुमारीमाथि २० नोकर्निलाई गुलामको रुपमा राखेको र उनीहरु २००८ मा राजकुमारीहरुका साथ ब्रसेल्स गएका थिए ।
तर अदातले अमानवीय व्यवहारको गम्भीर आरोपबाट उनीहरुलाई छुटकारा दिएको छ ।
बचाउ पक्षका वकील स्टीफेन मोनोङले उनको वकिलसँग अपीलको फैसला गरेका छैनन् । फैसलाको समय शेख हामदा अल नाह्यान तथा उनकी सात छोरी अदातलमा उपस्थित थिएनन् ।
यो विषय तब सार्वजनिक भयो जब एक नोकर्नी होटलबाट भागेकी थिइन् । राजकुमारीहरुले होटलको एक पुरै सुविधासम्पन्न तला भाडामा लिएका थिए ।
नोकर्निहरुका अनुसार उनीहरुलाई २४ घण्टा काम गराइन्थो । उनीहरुको आदेशमा मात्र सुत्न पाइन्थ्यो भने उनीहरु लाई साप्ताहिक विदा दिइदैनथियो ।
उनीहरुले राजकुमारीहरुले खाएर बाँकी रहेको खाना खानुपर्ने बाध्यता थियो । यो मुद्दाको फैसला हुन ९ वर्ष लागेको छ ।
