०९ असार २०८३, मंगलबार
बेलायतका प्रधानमन्त्री बोरिस जोनसनले भाषण गर्दागर्दै कुरा बिर्सिएपछि गाडीको आवाज निकालेका छन् ।
सोमवार जोनसन बेलायतलाई कसरी थप वातावरणमैत्री बनाउन सकिन्छ भन्ने विषयमा आयोजित कार्यक्रममा भाग लिइरहेका थिए । त्यहाँ भाषण दिने क्रममा शुरूमा त जोनसनले शानदार सम्बोधन गरे ।
तर पछि उनलाई के भयो कुन्नि, विद्युतीय गाडीको तुलना पेट्रोल र डीजेल गाडीहरूसँग गर्दै उनले भ्र्रूम भ्रूम गर्दै अनौठा आवाज निकाल्न थाले । पछि उनले नीतिहरूका कुरा गर्दा भाषणको बीचमा नोट हराए ।
नोट नभेटेपछि उनले बच्चाहरूको थिम पार्क पेप्पा पिग वर्ल्डको कुरा गर्न थाले । पत्नी र छोराका साथ उनी उक्त पार्कमा घुम्न गएका थिए ।
त्यहाँ उनी बच्चाहरूको पिङमा बसे र छोरोसँग मिलेर खेलौना कार पनि चलाए ।
भाषणको क्रममा पेप्पा पिगको कुरा झिकेर जोनसनले आलोचकहरूलाई गतिलो मसला दिएका छन् । जोनसन दिशाहीन बनेको र प्रधानमन्त्री पदमा बस्न योग्य नरहेको आलोचकहरूले बताएका छन् ।
