२२ जेठ २०८३, शुक्रबार
युगान्डा सरकार ऋण तिर्न नसक्दा आफ्नो प्रमुख विमानस्थल चीनलाई सुम्पिन बाध्य भएको छ ।
अफ्रिकी सञ्चारमाध्यममा आएको खबरअनुसार, युगान्डा सरकारले चीनसँगको लोन अग्रीमेन्ट पूरा गर्न सकेन । ऋण तिर्न नसकेमा विमानस्थल चीनलाई सुम्पिने शर्त थियो ।
एन्टेबे अन्तर्राष्ट्रिय विमानस्थल र युगान्डाका अन्य सम्पत्तिहरू लिलामबिक्री गरिएको र चिनियाँ ऋणदाताहरूका तर्फबाट ऋणको मध्यस्थतामा कब्जा गर्ने विषयमा सहमति व्यक्त गरिएको थियो ।
युगान्डाका राष्ट्रपति योवेरी मुसेवेनीले एक प्रतिनिधिमण्डल बेइजिङ पठाएका थिए । त्यहाँ ऋणका शतएका पुनः छलफल गरिने आशा गरिएको थियो ।
तर चिनियाँ अधिकारीहरूले सम्झौताका मूल शर्तहरूमा कुनै पनि किसिमको संशोधन नगर्ने बताए ।
युगान्डाको अर्थ मन्त्रालय र नागरिक उड्डयन मन्त्रालयका तर्फबाट प्रतिनिधित्व गरेको युगान्डा सरकारले सन् २०१५ मा चीनको एक्जिम बैंकसँग सम्झौतामा हस्ताक्षर गरेर ख्ण लिएको थियो ।
आलोचकहरूले यसलाई चीनको ऋणजाल भनी चित्रित गरेको भए पनि चीनको परराष्ट्र मन्त्रालयले यस्तो दाबी तथ्यमा आधारित नरहेको बताएको छ । कोभिडपछि अफ्रिकी मुलुकहरूलाई ऋणको भार कम गर्ने विषयलाई चीनले समर्थन गर्ने गरेको र अतिविपन्न मुलुकहरूको ऋण मिनाहा गर्ने जी२० को पहललाई सक्रिय रूपमा लागू गर्न लागिपरेको बताएको छ ।
