१७ असार २०८३, बुधबार
नेपाली कांग्रेसको १३औं महाधिवेशनबाट बनेको केन्द्रीय कार्यसमितिको अन्तिम बैठक शुरू भएको छ ।
पार्टी केन्द्रीय कार्यायल सानेपामा बिहीवार दिउँसो बसिरहेको बैठकले महाधिवेशनका केही प्रक्रियागत निर्णय गर्नेछ ।
बैठकमा वरिष्ठ नेता रामचन्द्र पौडेल उपस्थित छैनन् । विधान संशोधनमार्फत पदाधिकारीको संख्या थप गर्ने प्रस्ताव ल्याउने तयारी भएको भन्दै पौडेलले बैठकमा आउन नसक्ने जानकारी गराएका थिए ।
हालसम्म महाधिवेशनका केही प्रक्रियागत विषयमा निर्णय गर्ने सामान्य एजेण्डा रहेको केन्द्रीय सदस्य रामकृष्ण यादवले जानकारी दिए । कांग्रेसको चौधौं महाधिवेशन मंसिर २४ गते शुक्रवारदेखि काठमाडौंमा शुरू हुँदैछ ।
