चितवन, १३ असार– मुग्लिन–नारायणढ सडक खण्डमा एकसाथ दुई ठाउँमा पहिरो गएको छ ।
सडक खण्डको टोपेखोला र पाँचकिलो भन्ने स्थानमा पहिरो गएको हो । पहिरोका कारण यातायात ठप्प भएको छ ।
एकैसाथ दुईठाउँमा पहिलो गएपछि पहिरो पन्छाउन केही समय लाग्ने मुग्लिन–नारायणगढ सडक विस्तार आयोजनाले जनाएको छ ।
सडकमा खसेको पहिरो पन्छाउन आयोजनाको डोजर परिचालन गरिएको छ । तर पहिलो खस्ने क्रम भने रोकिएको छैन ।
यसअघि विहान ७ बजे गएको पहिरो पन्छ्याएर केहीबेर यातायात सञ्चालनमा आएपनि पुनः पहिरो जाँदा यात्रुहरु अलपत्र परेका छन् । बर्षासँगै पहिरो जाने क्रम जारी रहेकाले आयोजनाले यात्रुहरुलाई अन्य वैकल्पिक मार्ग प्रयोग गर्न अनुरोध गरेको छ ।
