×

NMB BANK
NIC ASIA

कांग्रेसको १४औं राष्ट्रिय महाधिवेशन

भृकुटीमण्डपको दृश्य: मन्त्रीहरू मतदाता खोज्दै डुल्दा गगनलाई सेल्फी खिच्न भ्याइनभ्याइ !

मंसिर २६, २०७८

NTC
Sarbottam
Premier Steels
Marvel

नेपाली कांग्रेसको नयाँ नेतृत्व चयनका लागि हुने निर्वाचनको अघिल्लो दिन कांग्रेस महाधिवेशन स्थलमा चहलपहल छ ।

Sagarmatha Cement
Muktinath Bank

कांग्रेसको १४ औं महाधिवेशनको तेस्रो दिन आइतवार आइपुग्दा उम्मेदवारी मनोनयन तथा उम्मेदवारी फिर्ताको समय सकिएर अन्तिम नामावली प्रकाशित भइसकेको छ ।


Advertisment
RMC TANSEN
IME BANK INNEWS
shivam ISLAND

सोमवार बिहान ८ बजेदेखि मतदान शुरू हुनेछ ।


Advertisment
Nabil box
Kumari

मतदानको अघिल्लो दिन भृकुटीमण्डपमा आफ्नो पक्षमा भोट माग्न पुराना नेतादेखि युवा नेतासम्म दुई हात जोडेर घुमिरहेको भेटिए ।

Vianet communication
Laxmi Bank

त्यसरी भोट माग्नेमा रक्षामन्त्री डा. मीनेन्द्र रिजाल, सूचना तथा सञ्चार प्रविधि मन्त्री ज्ञानेन्द्रबहादुर कार्कीदेखि प्रधानमन्त्री तथा मन्त्रिपरिषद्को कार्यालय मातहतका राज्य मन्त्री उमेश श्रेष्ठसम्म थिए ।

रिजाल महामन्त्री तथा कार्की र श्रेष्ठ केन्द्रीय सदस्यको उम्मेदवार बनेका छन् ।

मन्त्री कार्की एक दुईजना समर्थक र एडीसीहरूलाई अगाडि-पछाडि लगाएर आफू र प्रधानमन्त्री शेरबहादुर देउवा नेतृत्वको प्यानललाई मत माग्न व्यस्त थिए ।

भृकुटीमण्डपभित्रको खाना खाने ठाउँमा एक चक्कर लगाउँदा पनि उनीसँग फोटो खिच्ने, बसेर कुराकानी गर्ने, कानेखुसी गर्ने कोही देखिएनन् ।

अझ राज्यमन्त्री श्रेष्ठलाई त कसैले चिनेजस्तो व्यवहार पनि गरेनन् ।

रक्षामन्त्री रिजाल भने प्रतिनिधिहरूसँग बसेर गफिनमा व्यस्त थिए । उनी डा. शेखर कोइराला नेतृत्वको प्यानलमा महामन्त्री पदका उम्मेदवार छन् ।

त्यही बीचमा कांग्रेस केन्द्रीय सदस्यको उम्मेदवार बनेका उद्योगपति विनोद चौधरी पनि भेटिए । उनी खाना खाने मेसमा यताउता गरिरहेका थिए ।

कोही यिनी विनोद चौधरी होइनन् ? भनेर कानेखुसी गर्दै थिए भने कोही को हुन् यिनी ? भनेर आफूआफूमा सोधखोज गरिरहेका भेटिए ।

उनलाई भेट्ने र फोटो खिच्नेहरू निकै कम थिए । 

अर्कातर्फ केही नेताको चाम भने बेग्लै थियो । उनीहरू जता जान्थे भीड उतै केन्द्रित हुन्थ्यो । सेल्फी लिन नै भ्याइनभ्याइ थियो ।

सबैभन्दा बढी आकर्षण शेखर प्यानलबाट महामन्त्रीको उम्मेदवार बनेका युवा नेता गगन थापाप्रति देखियो ।

कति त गगन नजिक अइपुगेपछि खाइरहेको खाना समेत छाडेर सेल्फीका लागि दौडिएका समेत भेटिए । केही भने नजिकै पुगेर 'दाइ हामी तपाईंसँगै छौं, ढुक्क हुनुस्' भन्दै थिए ।

सेल्फी खिच्ने र कुरा गर्न चाहनेलाई छलेर अगाडि बढ्न गगनलाई मुस्किल परेको थियो । 

अरू उम्मेदवारहरू घुमीघुमी मतदाताकोमा पुगिरहेको बेला गगनकोमा भने मतदाताहरू नै खोजीखोजी आएका थिए ।

गगन थापाजस्तै कांग्रेस प्रवक्ता विश्वप्रकाश शर्माप्रति पनि आकर्षण देखियो ।

उनीसँग सेल्फी खिच्नेहरू प्रशस्तै थिए । कतिपयले भने दाइ तपाईंले फोनै उठाउन छाड्नुभयो भनेर गुनासो गरेको पनि सुनियो । 

विश्वप्रकाश भेटिएका प्रतिनिधिलाई के कस्तो छ भनेर घरपरिवारको सञ्चोबिसञ्चो समेत सोध्न भ्याउँथे । उनी प्रकाशमान सिंह प्यानलबाट महामन्त्रीको उम्मेदवार छन् ।

महामन्त्रीका अर्का उम्मेदवार प्रदीप पौडेलप्रतिको आकर्षण पनि कम थिएन । देउवा प्यानलबाट उम्मेदवार बनेका प्रदीप प्रायः प्रतिनिधिलाई दोहोर्‍याएर भेटेर भोट मागिरहेका थिए ।

भेटेका प्रतिनिधिहरूले पनि प्रदीपलाई राम्रै प्राथमिकता दिएको देखिन्थ्यो ।

सभापतिका उम्मेदवारहरू भने भृकुटीमण्डप पुगे पनि त्यति सक्रिय भने भएनन् ।

भृकुटीमण्डपभित्र भेटेरै भोट माग्ने क्रम चलिरहँदा बाहिर भने नेताहरूको पक्षमा नारा लगाउने, बाजागाजा बजाउने, नाचगान गर्ने भीड थियो ।

सुदूरपश्चिमको देउडादेखि बाग्लुङ, पाल्पा, गुल्मीतिरको सोरठी नाचसम्म त्यहाँ देखियो ।

युवाको जोड एकता र विकासमा

महाधिवेशनमा सहभागी हुन आएका अधिकांश युवा प्रतिनिधिले पार्टी एकीकरण र विकासमा जोड दिनुपर्ने बताए ।

जनता र कार्यकर्ताले पार्टी नेतृत्वमा नयाँ अनुहार चाहेको उनीहरूको भनाइ थियो ।

‘अब युवालाई पालो दिनुपर्‍यो नि, पुरानो अनुहार त धेरै भयो । जनतालाई पुरानाबाट आशा हरायो,’ सोलुखुम्बुबाट आएकी २५ वर्षीया गीता गुरुङले भनिन्, ‘अब यो गुटहरूभन्दा पनि पार्टी एक बनाउनुपर्छ ।’

उनले आफ्नो ठाउँमा विकासमा जोड दिनका लागि पहल गर्ने र महाधिवेशनपछि पार्टी बलियो रहेका सन्देश लिएर जाने बताइन् । 

यस्तै कर्णालीबाट प्रतिनिधिको रूपमा आएकी ७८ वर्षीया पद्मा शाहले पनि अब आफूले नयाँ पुस्तालाई राजनीतिमा अगाडि ल्याउने बताइन् ।

‘अब म योपालि मात्र आएकी हुँ । मैले युवालाई राजनीतिको बारेमा सिकाउने हो । यहाँबाट गएर युवालाई अगाडि ल्याउँछु,’ शाहले लोकान्तरसँग भनिन्, ‘अब युवा आउनुपर्छ । उनीहरूले महिलाका मुद्दा उठाउनुपर्छ ।’

अहिलेसम्म पनि विकटमा रहेका महिलाहरूको उत्थानको विषयमा केन्द्रका नेताहरूको ध्यान नगएको उनको गुनासो थियो ।

‘हामीजस्ता कर्णालीका महिलाहरूको विषयमा केन्द्रका नेता बोल्दैनन् । अब मैले नयाँ पुस्ता आएर त्यसप्रति सोचोस् भन्ने चाहेकी छु,’ शाहले लोकान्तरसँग भनिन्, ‘त्यसैले अहिले मैले युवालाई भोट हाल्छु ।’

अर्का प्रतिनिधि ६९ वर्षीय रामबहादुर अधिकारीले युवाहरूले धेरै कुरा सिक्न बाँकी रहेको बताए ।

‘काँचा केटाहरू त्यसै हुटुटु गर्छन् । उनीहरूले धेरै सिक्न बाँकी छ,’ रामबहादुरले लोकान्तरसँग भने, ‘सिकेर आउनू भन्न चाहन्छु ।’

hAMROPATRO BELOW NEWS
TATA Below
माघ १३, २०८०

रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...

माघ २०, २०८०

नृत्यका पारखीहरूका लागि लुम्बिनी प्रदेशमा लोकप्रिय नाम हो किशोर थापा । रुपन्देहीका किशोरको परिचय खाली नृत्यकार (डान्सर)मा मात्र सीमित छैन । उनी नृत्य निर्देशक, गायक, मोडल र फूटबल खेलाडीको रूपमा समेत उत्तिकै च...

मंसिर १४, २०८०

प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

फागुन ५, २०८०

श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x