०४ असार २०८३, बिहीबार
जापानको क्योटो प्रिफेक्चरल विश्वविद्यालयका अनुसन्धाताहरूले कोरोनाभाइरस पत्ता लगाउने मास्क बनाएका छन् ।
यो मास्क अस्ट्रिचको एन्टीबडीको उपयोग गरेर बनाइएको हो । यसले कोरोनाको सस्तो परीक्षणलाई प्रोत्साहन गर्नेछ ।
मास्कमा अस्ट्रिचको एन्टीबडी फिल्टरको एउटा पत्र छ जसले कोरोनाभाइरसलाई तारो बनाउनेछ ।
चराहरूमा बलियो रोगप्रतिरोधक क्षमता हुने अनुसन्धानबाट पत्ता लागेपछि यो मास्क बनाइएको हो ।
मानिसहरू भाइरसबाट संक्रमित भएमा यो मास्कमा रहेको अस्ट्रिच एन्टीबडीको पत्र नाक र मुखतल चम्किन थाल्छ ।
कोरोनासंक्रमित मानिसहरूलाई यो मास्क आठ घन्टासम्म लगाउन दिइएको थियो । पछि उनीहरूको मास्कको फिल्टर हटाइयो र त्यसमा एउटा रसायन स्प्रे गरियो । कोरोनाको संक्रमण भएको फिल्टरमा रंगीन प्रकाश टल्किएको थियो ।
मास्क लगाउने सबै कोरोनासंक्रमितको फिल्टर चम्किएको अनुसन्धाताहरूले बताए ।
लक्षणसहितको र लक्षण नभएको कोरोनासंक्रमितहरूको भाइरस पनि मास्कले पत्ता लगाउन सक्छ ।
