३० जेठ २०८३, शनिबार
रुसका सञ्चारकर्मीहरूसँग हालै गरेको कुराकानीमा रुसका राष्ट्रपति भ्लादिमिर पुटिनले सन् १९९० को दशकमा ट्याक्सी चलाएको खुलासा गरेका छन् ।
आफूलाई आर्थिक समस्या परेपछि पेट पाल्न ट्याक्सी चलाएको उनको भनाइ छ ।
आफूलाई यसबारेमा कुरा गर्न मन नलागेको उनले बताए । रिसेन्ट हिस्ट्री शीर्षकको वृत्तचित्रका फूटेजहरू शेयर गर्दै पुटिनले यो बयान दिएका हुन् । उक्त वृत्तचित्रले रुसको विगत तीन दशकको इतिहास बताएको छ ।
सन् १९९१ मा सोभियत संघको पतन भएपछि आएका अव्यवस्थाहरूदेखि लिएर पुटिनको नेतृत्वमा आधुनिक रुसको विकाससम्मलाई वृत्तचित्रमा अटाइएको छ ।
विगत चार वर्षदेखि निर्माण गरिएको यो वृत्तचित्र आइतवार सार्वजनिक गरिएको हो ।
वृत्तचित्रमा पुटिनले अर्को एक विस्फोटक खुलासा पनि गरेका छन् । सन् १९९० को दशकमा रुस सरकारको सल्लाहकारका रूपमासी आईएका एकजना एजेन्टले काम गरेको जानकारी उनले दिए ।
बिहीवार मानवअधिकारविद्हरूसँग कुरा गर्दै पुटिनले सन् १९९० को दशकमा अमेरिकाका गुप्तचर एजेन्टहरू रुसको सत्तामा प्रवेश गरेको अनि आफू राष्ट्रपति बनेपछि उनीहरूलाई सफाया गरेको बताए ।
