०९ साउन २०८३, शनिबार
रुसका राष्ट्रपति भ्लादिमिर पुटिनले युक्रेनको भूमिमा रुसले कब्जाको योजना बनाएको आरोपको खण्डन गरेका छन् ।
बेलायत र उसका साझेदारहरूले रुसको दानवीकरण गरेको पनि उनले बताए ।
रुसले युक्रेनमाथि आक्रमण गरेमा रुसले ठूलो परिणाम बेहोर्नुपर्ने भनी जी७ मुलुकका मन्त्रीहरूले चेतावनी दिएकोमा पुटिनले जवाफ फर्काएका हुन् ।
पुटिनका आधिकारिक प्रवक्ता दिमित्री पेस्कोभले बेलायत तथा उसका साझेदारहरू रुसलाई थप दानवीकरण गर्ने उद्देश्यका साथ यस्ता झूटा हल्लाहरू फैलाइरहेको बताए ।
अमेरिकाका गुप्तचर अधिकारीहरूले सन् २०२२ को आरम्भतिर रुसका एक लाख ७५ हजार सैनिकहरूले युक्रेनमाथि आक्रमण गर्न सक्ने अनुमान गरेका छन् । रुसका सैनिकहरू युक्रेनको सीमानजिक सैनिक, ट्यांक र आर्टिलरीका साथ तैनाथ गरिएका छन् ।
