नेपाली काँग्रेसको नयाँ नेतृत्व चयनका लागि भएको मतदान सम्पन्न भएसँगै मतगणनाका लागि आवश्यक प्रक्रिया थालनी भएको छ । सभापतितर्फ मत खसालिएको ट्याङ्की (मतपेटिका) सिलबन्दी गरेर मतगणनास्थलतर्फ पठाउन थालिएको छ ।
मतगणना राष्ट्रियसभा गृहमा हुनेछ । यस्तै अन्य पदको मतपेटिका भने पार्टी कार्यालय सानेपामा पठाइनेछ ।
सभापतिको मतगणना ४ स्थानमा गर्ने तयारी भएको छ भने त्यसका लागि करिब ६० जनाजति जनशक्ति आवश्यक पर्ने निर्वाचन समितिका एक अधिकारीले बताए । काँग्रेसमा करिब १२ घण्टा लामो मतदान भएपछि मत खसाल्ने क्रम सकिएको हो ।