२७ असार २०८३, शनिबार
नेकपा एमालेले प्रतिनिधि सभामा अवरोध कायमै राख्ने भएको छ ।
सभामुखको भूमिकाप्रति असन्तुष्टि जनाउँदै एमालेले लामो समयदेखि प्रतिनिधि सभा बैठकमा अवरोध गर्दै आएको छ ।
संघीय संसद्को अधिवेशन आजदेखि शुरू हुँदैछ । अधिवेशन शुरू हुने पहिलो दिनको बैठक नै एमालेले अवरोध गर्न लागेको हो ।
प्रतिनिधि सभामा अवरोध जारी राख्ने निर्णय भएको प्रतिनिधि सभामा एमालेकी सचेतक शान्ता चौधरीले लोकान्तरलाई जानकारी दिइन् ।
माधव नेपालसहितका १४ सांसदलाई पार्टीले गरेको कारवाही सदर गर्दै सूचना प्रकाशित गर्न अस्वीकार गरेको भन्दै एमालेले प्रतिनिधि सभामा अवरोध गर्दै आएको छ ।
