०२ साउन २०८३, शनिबार
प्रमुख प्रतिपक्षी दल नेकपा एमालेले संसदको हिउँदे अधिवेशनको शुरूको दिनमै प्रतिनिधि सभा बैठक अवरुद्ध गरेको छ ।
नवौं अधिवेशनका अधिकांश दिनमा प्रतिनिधि सभाको अधिवेशन अवरुद्ध गरेको एमालेले दशौं अधिवेशनको पहिलो दिन नै सदन अवरुद्ध गरेको हो ।
सभामुख अग्नि सापकोटाले अधिवेशन प्रारम्भ भएको घोषणा गर्नासाथ एमाले सांसदहरू नाराबाजी गर्दै संसद्को वेलमा पुगेका थिए ।
माधव नेपाललगायत १४ सांसदमाथि गरिएको कारवाही सिफारिश कार्यान्वयन नगरेको भन्दै एमालेले प्रतिनिधि सभामा अवरोध गर्दै आएको छ ।
मंगलवार बसेको एमाले संसदीय दलको बैठकले गैर सांसदलाई सहभागी गराएर संसद् बैठक चल्न नदिने भन्ने निष्कर्ष निकालेको थियो ।
