रुसले युक्रेनको सीमा नजिक एक हजार भन्दा बढी ट्यांकका साथ लाइभ फायर अभ्यास गरेको छ । 

युक्रेनमाथि रुसले आक्रमण गर्न लागेको भनी पश्चिमले बताइरहेको बेलामा यो अभ्यास गरिएको हो । 

सीमाबाट ३० माइल पर स्थलसेनाको अभ्यास हुँदा युरोप त्रस्त छ । 

रोस्तोभ क्षेत्रमा रहेको कादामोव्स्की फायरिङ रेन्जमा अभ्यास गरिएको तस्वीर र भिडियो सार्वजनिक भएको छ । 

अभ्यासका क्रममा सैनिकहरूले एके–७४एम, आरपीजी–७भी र एजीसी–१७ लगायतका हतियार उपयोग गरेको रुसको रक्षा मन्त्रालयद्वारा सञ्चालित टीभी ज्वेज्दाले खबर दिएको छ ।