नेपाली कांग्रेसका प्रभावशाली युवा नेता रामहरि खतिवडा केन्द्रीय सदस्यमा निर्वाचित भएका छन् । नेपाली कांग्रेसको १४ औं महाधिवेशन अन्तरगत नेतृत्व चयनका लागि खुला केन्द्रीय सदस्यको लागि भएको निर्वाचनमा खतिवडा पाँचौ लोकप्रिय मतसहित विजयी भएका हुन् ।

पटक पटक केन्द्रीय सदस्य र मन्त्री बनेका नेताहरुलाई पछि पार्दै खतिवडाले पाचौं लोकप्रिय मत प्राप्त गरेका छन् । आइतवार सार्वजनिक अन्तिम नतिजामा खतिवडाले २ हजार ८ सय ३२ मत प्राप्त गरेका हुन् ।

सञ्चार मन्त्री ज्ञानेन्द्र बहादुर कार्की, कानून मन्त्री दिलेन्द्र बडू, पटक पटक केन्द्रीय सदस्य निर्वाचित अर्जुन नरसिंह केसी, गोपालमान श्रेष्ठ, डा. रामशरण महत र बलबहादुर केसी खतिवडा भन्दा पछाडि छन् । १३ औं निर्वाचनमा खतिवडा झिनो मतले पराजित भएका थिए । २०७० सालको संविधानसभा निर्वाचनमा ओखलढुंगाबाट प्रत्यक्ष निर्वाचित खतिवडाले संसदमा सशक्त उपस्थिती जनाएका थिए ।

सांसद रहदा या नरहँदा उनले जिल्लाको विकासका लागि सक्रिय भूमिका खेलेका थिए । कोरोना महामारीको समयमा उनले गाउँ गाउँमा स्वास्थ्य सामाग्री लिएर खटिएका थिए ।