काठमाडौं, १७ पुस– राजधानीको नयाँ वसपार्कस्थित मित्रनगरमा गएराती भीषण आगलागी भएको छ ।
भाडाको जग्गामा चितवनका थमबहादुर थापाले निर्माण गरेको घर (फलाम र जस्ताले बनाएको) मा गएराती पौने १२ बजेतिर एकाएक आगलागी सुरु भएको महानगरीय प्रहरी बिट नयाँबसपार्कले जनाएको छ ।


प्रहरीले ग्यास लिक भएर आगलागी सुरु भएको अनुमान गरेको छ ।
आगलागीबाट सो घरमा  सञ्चालित कोल्ड स्टोर, र क्याफे क्याफेपसल जलेर नष्ट भएको नयाँबसपार्ककी प्रहरी इन्सपेक्टर पूर्णिमा चन्दले जानकारी दिइन् ।
आगलागीबाट साढे २ करोडभन्दा बढी क्षति भएको प्रहरी अनुमान छ । आगलागी काठमाडौं र ललितपुरका दमकल, सशस्त्र प्रहरी, नेपाल प्रहरी तथा स्थानीयको  करीब तीन घण्टाको प्रयासमा नियन्त्रणमा आएको थियो । बाक्लो बस्ती भएको स्थानमा मध्यरातमा आगो सल्किँदा सो क्षेत्रका  सर्वसाधरण त्रसित बनेका थिए ।