रुसी सेनाले क्रिसमसको दिन युक्रेनको सीमा नजिक रहेको भोरोनेझ क्षेत्रमा आधुनिक किसिमको युद्ध अभ्यास गरेको भिडियो सार्वजनिक भएको छ । 

भिडियोमा १२ सयजना हवाईसेना र २५० वा सैन्य उपकरण क्राइमियाको ओपुकमा हिउँ र कुहिरोमा सैन्य अभ्यास गरेको देखिन्छ । त्यसका साथै रुसी सैनिकहरूले क्रास्नोदार क्षेत्रमा नोभोरोस्सिस्क नजिक पनि अभ्यास गरे । 

रुसका राष्ट्रपति भ्लादिमिर पुटिनले एक लाभन्दा बढी सैनिक युक्रेनको सीमा नजिक राखेपछि युक्रेनमाथि आक्रमण हुन लागेको शंका पश्चिमले गरेको छ । 

पुटिनले रुसको माख–९ क्षमताको जिर्कोन क्षेप्यास्त्रको प्रक्षेपणको घोषणा पनि गरे । त्यसले सबै क्षेप्यास्त्र प्रतिरोधी प्रणालीलाई छल्न सक्ने दाबी रुसले गरेको छ । 

‘समुद्रबाट प्रहार गरेर समुद्रमा तारो हान्ने नयाँ क्षेप्यास्त्र जिर्कोन हो,’ पुटिनले बताए । ‘परीक्षणहरू सफलतापूर्वक र त्रुतिहरहित रूपमा गरिए । यो हाम्रो देशका लागि ठूलो घटना हो र रुसको सुरक्षा तथा रक्षा प्रणालीलाई सुधार गर्ने महत्त्वपूर्ण कदम हो ।’