२६ जेठ २०८३, मंगलबार
नेकपा माओवादी केन्द्रका केन्द्रीय कमिटीका पूर्वसदस्य छिमी दोर्ची लामा नेकपा एमालेमा प्रवेश गरेका छन् ।
उनीसहित ४७ जना नेता तथा कार्यकर्ताले माओवादी केन्द्र परित्याग गर्दै एमालेमा प्रवेश गरेका हुन् ।
बुधवार एमाले अध्यक्ष केपी शर्मा ओलीले आफ्नै निवास बालकोटबाट उनीहरूलाई पार्टी प्रवेश गराएका थिए ।
दोर्ची २०६४ सालको संविधानसभामा हुम्लाबाट सभासद् बनेका थिए । उनको नेतृत्वमा ४७ जना भन्दा बढी एमालेमा प्रवेश गरेका हुन् ।
एमालेमा प्रवेश गर्नेमा माओवादीका कर्णाली प्रदेश कमिटीका ५ जना सदस्य, जिल्ला कमिटीका ३७ जना सदस्य, जनसंगठनका ४ जना केन्द्रीय सदस्यलगायत छन् ।
पार्टी प्रवेश कार्यक्रममा एमालेका महासचिव शंकर पोखरेल, स्थायी कमिटी सदस्य तथा हुम्ला जिल्ला इन्चार्ज गोरखबहादुर बोगटी, केन्द्रीय कमिटी सदस्य तथा जिल्ला सहइन्चार्जद्वय दल रावल र दल फडेरालगायतका नेताहरुको उपस्थिति थियो ।
