१७ असार २०८३, बुधबार
जाडोको मौसममा अनेकथरी रोग लागिरहेका हुन्छन् । यस्तोमा स्वस्थ रहन ओखरले सहयोग गर्छ । यसले रक्तचाप नियन्त्रणमा राख्नुका साथै अन्य स्वास्थ्य समस्याबाट पनि छुटकारा दिन्छ ।
डायबिटिजबाट मुक्ति
दिनदिनै ओखर खाँदा मुटुरोग, हृदयघात र मधुमेहको जोखिम घट्छ । शरीरमा रहेको सही कोलेस्ट्रोललाई यसले बढाइदिन्छ । मेटाबोलिक सिन्ड्रोमबाट पीडित मानिसहरूमा टाइप २ डायबिटिज, मुटुरोग र मधुमेहको जोखिम घट्छ ।
तौल घटाउन
ओखर खाँदा तौल पनि घट्छ । यसमा ओमेगा ३ फ्याट्टी एसिडका साथै प्रचुर मात्रामा प्रोटीन हुन्छ । यसलाई खाँदा लामो समयसम्म भोक लाग्दैन र अतिरिक्त क्यालोरीको सेवन गर्न मन लाग्दैन ।
कपाल स्वस्थ राख्न
ओखरमा भएको फाइबर, भिटामिन र मिनरल्सले चायाँ, कपाल भर्ने र टाउको चिलाउने लगायतका समस्या हटाउँछ । अनि यसले कपाललाई स्वस्थ पनि राख्छ । कपाल दुईमुखे हुन पनि पाउँदैन ।
हाड बलियो
ओखरमा पाइने कपर, म्याग्नेसियम र म्याग्निजले हाड बलियो बनाउन योगदान गर्छ ।
