०५ साउन २०८३, मंगलबार
सत्ता सम्हालेको एक वर्ष पुग्नै लागेको बेलामा अमेरिकाका राष्ट्रपति जो बाइडनप्रति जनता निराश रहेका छन् ।
ताजा सर्वेक्षणमा अधिकांश अमेरिकीहरूले देशको स्थिति कमजोर रहेको बताए ।
सीबीएसको नयाँ सर्वेक्षणमा सहभागीमध्ये आधाले बाइडनको पहिलो वर्षबाट उनीहरू निराश र आक्रोशित भएको बताए । अन्य ४० प्रतिशतले बाइडनको शासनले आफूहरूलाई अत्याएको बताए ।
जम्मा २५ प्रतिशतले बाइडन ह्वाइट हाउसमा हुँदा आफूहरू शान्त र सन्तुष्ट रहेको बताए । बाइडनको समग्र समर्थन सूचकांक ४४ प्रतिशत छ ।
राष्ट्रपति बनेदेखि नै बाइडनको समर्थन सूचकांक लगातार झरिरहेको छ । कोभिड महामारी र विश्वव्यापी आपूर्ति शृंखला लगायतका संकटलाई उनले व्यवस्थापन गर्न नसक्दा जनता उनीमाथि निराश छन् ।
निर्वाचन सुधार लगायत उनले ल्याएका विधेयकको भविष्य अन्योलमा परेकाले पनि उनी असफलतातर्फ अघि बढेका हुन् ।
बाइडनले अर्थतन्त्र, अफगानिस्तानबाट अमेरिकी सेना फिर्ती, आप्रवासन लगायतका विषयमा गरेको कुप्रबन्धलाई मानिसले मन पराएनन् ।
