प्रविधिको विकासका कारण मानव जीवन सहज भएको छ । सबैभन्दा कठिन कार्यहरू छिनभरमै पूरा हुन्छन् । अचेल तपाईंको स्मार्टफोनमा सबै कुरा नियन्त्रण र पहुँच गरिन्छ । 

टेक्नोलोजी यति धेरै विकसित भएको छ कि तपाईं टाढा बसेर पनि तपाईं आफ्नो घरको बत्ती निभाउन सक्नुहुन्छ । यो त एउटा उदाहरण मात्र हो, बसेर यस्ता धेरै कुरा गर्न सकिन्छ  । 

अहिले संसार बिस्तारै रोबोटिक बन्दै गएको छ । रोबोटले हाम्रा धेरै काम गर्न थालेका छन् । 

होटेलमा खाना खुवाउनेदेखि अस्पतालमा बिरामीको उपचारसम्म गरेको हामीले रोबोट देखेका छौं । तर अहिले विद्यालयमा रोबोट पनि प्रवेश गरेको छ । 

यी रोबोटले बालबालिकाको सट्टा आफूले कक्षा लिइरहेको देखिनेछ ।

रोबोटहरू जर्मनीका विद्यालयहरूमा प्रवेश गरेका छन् । यी रोबोटले बालबालिकाको सट्टा कक्षा लिने गरेका छन् । ७ वर्षको जर्मन बालक जोशुआ मार्टिन्जेलीको सट्टा 'अवतार' नामको रोबोट स्कुल जान्छ । ​गृहकार्य पनि गर्छ । यो रोबोटले शिक्षक र जोशुआका साथीहरूसँग पनि कुरा गर्छ । यो रोबोट जोशुआको सट्टा स्कूल जान्छ, किनभने जोशुआ खतरनाक रोगका कारण स्कुल जान सक्दैनन् ।

जोशुआलाई स्कुल आउनमा परेको कठिनाइलाई हेरेर बर्लिनको स्थानीय निकायले यो रोबोटको व्यवस्था गरेको हो  । यो रोबोटको खर्च पनि नगरको स्थानीय परिषद्ले नै बेहोरेको छ । 

बर्लिनस्थित एजुकेशन काउन्सिलर टोरस्टेन कुहेने भन्छन्, 'यस प्रकारको प्रोजेक्ट अनौठो छ र हामीले हाम्रा विद्यालयका लागि ४ वटा रोबोट खरीद गरेका छौं । कोरोना महामारीको बेला बालबालिकालाई विद्यालय आउन नपरोस् भनेर यस प्रकारको प्रयोग गरेका थियौँ ।'

यस रोबोटको टाउकोमा जडान गरिएको क्यामेराबाट सबै कुरा देख्न सकिन्छ । जबकि यसलाई टचस्क्रिन ट्याबमार्फत् टाढाबाट नियन्त्रण गर्न सकिन्छ । 

यति मात्र होइन, यसमा जडान गरिएको स्पिकरबाट टाढा बसेका बालबालिकाले शिक्षकसँग पनि कुरा गर्न सक्छन्  । रोबोट जोशुआको सट्टा डेस्कमा बस्छ र जब जोशुआले केही भन्छन्, रोबोटले आँखा झिम्क्याउन थाल्छ । 

जोशुआ फोक्सोको गम्भीर रोगबाट पीडित छन् । घाँटीमा नली हालेको हुनाले जोशुआ विद्यालय जान सक्दैनन् । जोशुआ निको नभएसम्म पढाइ नछुटोस् भनेर अवतार नामको यो रोबोट उनको सट्टा स्कुल गइरहेको हो । स्कुल जाने अन्य बच्चाहरूले अवतारलाई मन पराउँछन्, तर उनीहरू जोशुआ चाँडै निको भएर स्कूल फर्किउन् भन्ने चाहन्छन् ।