माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
माघ ९, २०७८
चालु आर्थिक वर्षको पहिलो ६ महिनमा (साउनदेखि पुससम्म) मात्रै नेपालमा साढे २५ अर्ब रूपैयाँभन्दा बढीको मोबाइल फाेन भित्रिएको छ ।
हरेक महिना करीब साढे ४ अर्ब मूल्य बराबरको मोबाइल आयात हुँदा पनि नेपाली बजारमा मोवाइलको माग धान्न धौधौ पर्नेगरेको व्यवसायीहरू बताउँछन् ।
भन्सार विभागको तथ्यांकअनुसार, गएको ६ महिनामा मात्रै २५ अर्ब ६२ करोड ९२ लाख ५३ हजार रुपैयाँको मोबाइल आयात भएको छ ।
त्यसलाई मासिक रूपमा हिसाब गर्ने हो भने औसमतमा हरेक महिना ४ अर्ब २७ करोड रूपैयाँको मोबाइल फोन नेपालले आयात गर्दै आएको छ ।
यस वर्षको ६ महिनामा ३५ लाख थान मोवाइल नेपाल भित्रिएको भन्सार विभागको तथ्यांक छ । यो गत वर्षको सोही अवधिको भन्दा एक लाख १९६ थान कम हो ।
तर, मूल्यको हिसाबमा भने अघिल्लो वर्षको तुलनामा यस वर्ष मोबाइल फोनको आयात बढेको छ ।
यस वर्षको ६ महिनामा गत वर्षभन्दा ४ अर्ब ९९ करोड ८९ लाख ३१ हजार रूपैयाँ बढीको मोवाइल सेट आयात भएको भन्सार विभागको तथ्यांकले देखाउँछ ।
गत आर्थिक वर्षको पहिलो ६ महिनामा २० अर्ब ६३ करोड ३ लाख रुपैयाँको मोवाइल फोन आयात भएको थियो ।
गत वर्षको तुलनामा चालु आर्थिक वर्षको पहिलो ६ महिनामै २४.२३ प्रतिशतले मोवाइल फोनको आयात बढेको हो ।
हरेक महिना आयात भएका मोबाइल फोन त्यही महिनामा बिक्री भइसक्ने व्यवसायीहरू बताउँछन् । बैंक तथा वित्तीय क्षेत्रमा लगानी योग्य पुँजी (तरलता) कम भएका कारण आउनुपर्ने जति मोबाइल फोन आउन नसकेको मोबाइल आयात संघका अध्यक्ष दीपक मल्होत्रा बताउँछन् ।
‘मोबाइल फोन जति आए पनि बिक्री भइहाल्छ । स्टकमा रहँदैन । बैंकिङ प्रणालीमा तरलता अभाव हुँदा त्यसको असर मोबाइलको ब्यापारमा पनि परेको छ’, मल्होत्राले भने, ‘ग्राहक खर्च गरिहाल्न तयार नभएको कारण दुई महिनादेखि मोबाइलको व्यापार पनि स्लो–डाउन छ ।’
दैनिक उपभोग्य बस्तुहरूमा नेपालको परनिर्भरता बढ्दै गइरहेको चिन्ता व्यक्त भइरहेको अवस्थामा विलाशिताको साधन मानिने मोबाइल फोनको आयात पछिल्लो समयमा आश्चर्यजनक रूपमा बढ्दै गएको छ ।
सस्ता मोबाइलको तुलनामा महंगो मूल्य पर्ने मोबाइल फोन आयातको संख्या पनि दिनप्रतिदिन बढिरहेको भन्सार विभागको तथ्यांकले देखाउँछ ।
फिचर वा बार फोन भन्दा स्मार्ट फोनमा ग्राहकको ध्यान केन्द्रित भएको हुँदा महंगा मोबाइलको बिक्री पनि बढी हुने गरेको व्यवसायीहरू बताउँछन् ।
महंगा मोबाइलले बढायो कारोबार
पछिल्लो समय स्मार्ट फोनको प्रयोगकर्ता बढेका छन् । कोरोना महामारीका कारण शिक्षण संस्थाहरूले अनलाइको माध्यमबाट पढाउन थालेकाले पनि ग्राहक स्मार्ट फोन किन्न बाध्य भएका थिए ।
अर्कोतर्फ, युवा पुस्ताले नयाँ फिचरको फोनमा रूची राख्ने हुँदा महंगा मोबाइलको कारोबार बढिरहेको व्यवसायीहरू बताउँछन् ।
व्यवसायी मल्होत्रा भन्छन्, ‘मोबाइल फोन जति धेरै महंगो भयो त्यति धेरै फिचर हुन्छ । यसो हुँदा आवश्यकता र पहुँच अनुसार मोबाइल बोक्ने जमातको रोजाइ पनि महंगोतर्फ गएको छ ।’
उनका अनुुसार नयाँ सुविधा मोवाइल फोन बजारमा आउनसाथ मोवाइल फेर्ने समूह ठूलो रहेको छ । मोबाइल फोन निर्माता कम्पनीले सार्वजनिक गरेदेखि नै बुकिङ गरेर कुरेर बस्ने समूह पनि रहेको उनले बताए ।
नेपालमा सामसुङ मोबाइलको आधिकारिक बिक्रेता आइएमएस ग्रुपका अध्यक्षसमेत रहेका मल्होत्राका अनुसार हालसम्म नेपालमा भित्रिएको महंगो मोबाइल सामसुङको जेड फोल्ड–३ हो । ५१२ जिबि स्टोरेज क्षमता भएको यो मोबाइलको मूल्य २ लाख २९ हजार रूपैयाँ छ ।
यो मोबाइल नेपाली बजारमा आएको तीन महिना मात्रै भयो । तीन महिनामै जेड फोल्ड–३ मोवाइल १८ सय वटा बिक्री भइसकेको उनले बताए ।
उनका अनुसार, यो मोबाइल नेपाली बजारमा आउनु अघि नै एक हजार वटा बुकिङ भइसकेको थियो । मोबाइल नेपाली बजारमा आएपछि पनि थप ८ सय वटा बिक्री भइसकेको उनले बताए ।
मोबाइल ‘चिप’को अभावले आउनै छाड्यो सस्ता फोन
पछिल्लो समय अन्तर्राष्ट्रिय बजारमा मोबाइलमा प्रयोग हुने ‘चिप’को अभावले सस्ता फोन आउन छोडेको मोबाइल एशोसिएसनका सचिव तथा न्यूरोडका मोबाइल व्यापारी मुकुन्द बास्कोटाले बताए ।
उत्पादक कम्पनीले मोबाइलमा प्रयोग हुने चिप महंगा फोनमा प्रयोग गर्न स्टोर गर्ने गरेका कारण अन्तर्राष्ट्रिय बजारमै अभाव हुने गरेको छ । जसले गर्दा सस्ता फोन उत्पादन पनि कम हुने गरेका छन् ।
‘फिचर फोनमा प्रयोग हुने चिप स्मार्ट फोनमा प्रयोग हुँदा राम्रो नाफा आउने भएकाले उत्पादक कम्पनीले महंगा मोबाइलमै प्रयोग गर्छन । त्यसो हुँदा सस्तो फोन उत्पादन हुनै छाडिसक्यो’, बास्कोटाले भने ।
बास्कोटाका अनुसार बजारमा अहिले फिचर फोनको अभाव छ । त्यसैगरी, १० देखि २० हजार रूपैयाँसम्म मूल्यका मोबाइल फोन पनि अभाव देखिएको छ ।
‘ग्राहकले १५ हजार रुपैयाँसम्मको मोबाइल फोन किन्ने मनस्थिति बनाएर गएको छ भने कि त फर्कनुपर्छ होइन भने २० हजार रुपैयाँ वा त्यसभन्दा माथिको फोन किन्नुपर्ने बाध्यता छ’, बास्कोटाले भने ।
गत वर्ष भन्दा एक लाख थान कम मोवाइल फोन भित्रदा पनि मूल्यको आकार बढ्को कारण नै अन्तर्राष्ट्रिय बजारमा चिपको अभावलाई मान्न सकिने व्यवसायीहरूको भनाई छ ।
बास्कोटाका अनुसार, बजारमा अहिले सबैभन्दा बढी बिक्री हुने मोबाइल २५ देखि ३० हजार रुपैयाँका छन् ।
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...