बलिउडका धेरै अभिनेताहरु आफ्नो फिल्मले बढीभन्दा बढी व्यापार गरोस् भनेर विभिन्न चालहरु चाल्ने गर्छन् । कतिपयले केही वैज्ञानिक तरिकाहरु पनि अपनाउने गर्छन् । फिल्मको प्रमोशनका लागि नयाँ नयाँ शैली अपनाउने गर्छन् ।
तर अभिनेता अक्षयर कुमार भने अरुको भन्दा अलग्गै उपाय अवलम्बन गर्छन् । अक्षयको फिल्म ‘ट्वाइलाइटः एक प्रेम कथा’ रिलिज हुने तयारीमा छ । तर मूख्य भूमिकामा रहेका अक्षय भने विदेशमा छन् ।
उनी निर्मातासँग रिसाएर विदेश हानिएका हैनन् । बरु उनको विदेश यात्राले फिल्मको विजनेश बढ्ने उनको विश्वास छ ।
बक्स अफिमा आफ्ना फिल्मको सफलताका लागि अक्षय सधैंजसो विदेश जाने गर्छन् । फिल्म रिलिज हुने मिति नजिकिएपछि अक्षयले विदेश यात्रा सुरु गर्छन् ।
विगत हेर्दा पनि अक्षय हरेक फिल्म रिलिज हुँदा विदेश यात्रामा रहेको देखिन्छ । उनको यो विश्वास छ कि विदेशको यात्रामा रह्यो भने उनी अभिनित फिल्म बक्स अफिसमा सफल हुन्छ ।
अक्षय पारिवारिक छुट्टी मनाउन अघिल्लो महिना युरोप भ्रमणमा निस्किएका थिए । अहिले उनी फ्रान्समा छुट्टी मनाइरहेका छन् ।
फ्रान्सबाट उनी लन्डन जानेछन्, जहाँ उनी आफ्नो आगामी फिल्म ‘गोल्ड’ को सुटिङ सुरु गर्ने छन्् । उनी जुलाईको अन्ततिर मात्रै मुम्बई फर्किने छन् ।
