२३ जेठ २०८३, शनिबार
रुस र युक्रेनबीच युद्धको जस्तो परिस्थिति निर्माण भएपछि रुसले महाविनाशक तोप तैनाथ गरेको छ ।
आणविक कम प्रहार गर्न सक्षम २एस७ पियोन तोप रुसले वेसेला लोपानमा तैनाथ गरेको छ । युक्रेनको दोस्रो ठूलो शहर खारकीव नजिक तोप तैनाथ गरिएको हो ।
यस विनाशक तोपले ३७ किलोमिटरसम्म आणविक बमयुक्त गोला प्रहार गर्न सक्छ ।
यो तोपको गोलाले निकै ठूलो क्षेत्रलाई एक क्षणमा विनाश गरिदिन सक्छ । युक्रेन नेटोमा समावेश हुँदा संसारमा आणविक युद्ध हुन सक्ने चेतावनी रुसका राष्ट्रपति भ्लादिमिर पुटिनले दिएलगत्तै यो तैनाथी गरिएको हो ।
युक्रेनमाथि रुसले कुनै पनि बेलामा आक्रमण गर्न सक्ने चेतावनी पश्चिमले लगातार दिइरहेको बेलामा अमेरिकाले किएभसिथ्त दूतावासका गैरआवश्यक स्टाफलाई देश छोड्न आदेश दिएको छ ।
यसैबीच रुसका गुप्तचर प्रमुख सर्गे नारयशकिनले युक्रेन पश्चिमी देशहरूसँग मिलेर रुसमाथि आक्रमण गर्न तयार रहेको दाबी गरेका छन् । मानवताको अस्तित्व नै दाउमा परेको उनको भनाइ छ ।
रुसका टीभी च्यानलहरूले युक्रेनी सेना दोनबास क्षेत्रमा आक्रामक कारवाही गरिरहेको बताएका छन् । युक्रेनको भूमिबाट रुसभित्र आतंकवादी आक्रमणका लागि जिम्मेवार व्यक्तिलाई आफूले पक्राउ गरेको रुसको दाबी छ ।
रुसका गुप्तचर प्रमुख पुटिनका निकट मानिन्छन् । उनले भने, ‘युक्रेन सेनाका सबै लडाकू युनिट दोनबास सीमामा तैनाथ भएका छन् । बेलायत र क्यानडाबाट हजारौं सैन्य उपकरण र विस्फोटक पदार्थ युरोपमा रहेको अमेरिकी अड्डाहरूमा पुगेका छन् । नेटोका विशेष बलहरूको सल्लाहकार जत्था निकै बढेको छ ।’
Russia has at least five 2S7 Pion self-propelled 203mm howitzers southwest of Belgorod. The Russians can easily shell Kharkiv City from there. pic.twitter.com/B4H1x3pleD
— WorldOnAlert (@worldonalert) February 10, 2022
