०८ साउन २०८३, शुक्रबार
युक्रेनक राष्ट्रपति भोलोदीमीर जेलेन्स्कीले रुसको आक्रमण बुधवार हुन लागेको भनी अमेरिकाले गरेको दाबीलाई चुनौती दिएका छन् ।
अमेरिकाले गोप्य सूचना आफूलाई उपलब्ध गराउनुपर्ने उनको भनाइ छ ।
रुसको आक्रमण योजनाका विषयमा जर्मनीको पत्रिका देर स्पीगलले खबर दिएको थियो । त्यसमा रुसका सैन्य इकाइहरूले कुन विशेष बाटो आएर आक्रमण गर्छन् भनी विस्तृत वर्णन गरिएको छ । त्यसलाई अमेरिकाको सिक्रेट सर्भिस, सीआईए र पेन्टागनले विश्लेषण गरेर राष्ट्रपति जो बाइडनलाई बुझाएको बताइएको छ ।
यो विस्तृत योजनाले पूर्वी युरोपमा युद्धको आशंका बढाएसँगै अमेरिकाका परराष्ट्रमन्त्री एन्टोनी ब्लिन्केनले रुसी समकक्षी सर्गे लाभरोभसँग फोनमा कुराकानी गरेका छन् ।
मस्कोले थप आक्रामकता देखाएमा त्यसको दृढ, विशाल र एकताबद्ध पराआन्ध्रीय जवाफ फर्काइने ब्लिन्केनले बताए ।
यसैबीच रुसले बेलायत तथा अमेरिकालाई जसरी पनि युद्ध भए हुन्थ्यो भन्ने चाहना भएकाले रुसी आक्रमणको हौवा पिटिरहेको प्रतिक्रिया दिएको छ ।
