०२ असार २०८३, मंगलबार
हामीलाई मांसाहारी र शाकाहारी जनावरहरूबारे थाहा छ । वनस्पति, फलफूल र तरकारी मात्र खाने जनावरलाई शाकाहारी भनिन्छ र मासु खानेलाई मांसाहारी भनिन्छ ।
कतिपय मानिसहरू शाकाहारी पनि छन् । तर, के तपाईंले मानिसहरूलाई पनि खाने विभिन्न प्रकारका मानिसहरू हुन्छन् भन्ने सुन्नु भएको छ ? यदि सुन्नु भएको छैन भने यसबारेमा हामी जानकारी दिनेछाैं ।
त्यस्ता मानिसहरूलाई नरभक्षी भनिन्छ । नरभक्षीहरूको सबैभन्दा विशेष कुरा यो हो कि तिनीहरूको वरपर बस्ने मानिसहरूलाई थाहा हुँदैन कि तिनीहरू कति खतरनाक छन् ।
यस्ता मानिसहरू मानसिक रोगबाट ग्रस्त हुन्छन् जसमा मानिसलाई मानिसको मासु खाने लत लाग्न थाल्छ ।
यस्तै एउटा घटना सार्वजनिक भएको छ । एक साइको किलर महिलाले आफ्ना छिमेकीहरूलाई मानव मासुले बनेको केक खुवाउने गरेको र छिमेकीलाई पनि थाहा नभएको घटना सार्वजनिक भएको छ ।
इटालीमा बस्ने यी महिलाको नाम लियोनार्डा सियानसिलु थियो । यी महिलालाई मान्छे मार्ने साैख थियो । यी महिलाको अपराध गर्ने पनि तरिका अनौठो थियो । उनले आफ्नो जीवनबाट समस्यामा परेका महिलालाई लक्षित गर्थिन् ।
एक मिडिया रिपोर्टका अनुसार यी महिलालाई 'द सोप-मेकर अफ कोरेजियो' भनेर पनि चिनिन्छ । एउटी महिला आफ्नो श्रीमानसँग रिसाएको थाहा पाएपछि अर्को असल श्रीमान पाउने नाममा घरमा बोलाउने गर्दथिन् ।
यस महिलाको पहिलो शिकार सन् १९३९ मा फोत्सिना सेट्टी नामकी महिला बनिन् । उनले ती महिलालाई चिठी कसैलाई भेट्न देशबाहिर जाँदैछु भन्ने किसिमको चिठी लेख्न लगाइन् ।
त्यसपछि बन्चरो प्रहार गरी उनको हत्या गरिन् । हत्यापछि महिलाको शव ९ टुक्रा पारिएको थियो । यी टुक्राहरूलाई साबुन बनाउन कास्टिक सोडामा उमालिएको थियो । यसपछि, रगतलाई कचौरामा जम्मा गरी चुलोमा सुकाइयो । रगत सुकेपछि उनले पिठो, चिनी, चकलेट, अण्डा र दूध मिसाएर क्रन्ची चिया केक बनाइन् । यो केक आफ्नो घरमा आउने छिमेकीलाई खुवाउँथिन् ।
यी महिलाले सन् १९४० मा फ्रान्सेस्का सोवी नामकी महिलालाई आफ्नो दोस्रो शिकार बनाइन् । उनले जागिर दिने नाममा यी महिलालाई आफ्नो जालमा फसाएकी थिइन् ।
यी सिरियल किलर महिलाले पहिलेको जस्तै गरी महिलाको हत्या गरिन्छ र, शवबाट केक बनाएर छिमेकीसँग मिलेर खाइन् ।
त्यसै गरी उनले तेस्रो महिलाको पनि हत्या गरिन् । तर, यसपटक उनको गल्ती समातियो ।
हत्या भएकी महिलाका परिवारले चिठीमा विश्वास गरेनन् ।
त्यसपछि प्रहरीले यी सिरियल किलर महिलालाई समात्यो । यी महिलाले पनि आफ्नो अपराध स्वीकार गरिन् । उनले ३० वर्षको सजाय पाएकी थिइन् ।
उनको ७९ वर्षको उमेरमा अक्टोबर १९७० मा जेलमै मृत्यु भयो ।
