२० असार २०८३, शनिबार
गाउँमा विद्यालय नहुँदा जिल्लाको पूर्वमा रहेको निस्दी ज्यामिरेका बालबालिका माध्यमिक तहको अध्ययन गर्न छ घण्टा हिँडेर पढ्न जान बाध्य छन् ।
निस्दी–७, ज्यामिरेका बालबालिका मावि तहको अध्ययनका लागि अन्य जिल्लामा समेत जान बाध्य भएका हुन् ।
ज्यामिरेस्थित दावेदी, झेर्लुङ्दी, लावेटार, मठेखर्क, मलग्राम, टारेपहार, पिपेङ्दीलगायत गाउँका एक सय जनाभन्दा बढी बालबालिका पढ्न गाउँभन्दा बाहिर जान बाध्य भएका हुन् ।
'गाउँमा मावि तहको पढाइ हुने विद्यालय नहुँदा बालबालिका छ घण्टा हिँडेर ज्यामिरेस्थित जनप्रिय माविमा पढ्न जानुपर्छ, स्थानीय जनप्रिय प्राविकी शिक्षिका कृष्णा गाहाले भने, कोही नवलपरासीको सर्दी र दुम्कीबासमा जानुपर्छ । ’
गाउँमा चारवटा प्रावि र एउटा आधारभूत तहका विद्यालय छन् । ती विद्यालयबाट हरेक वर्ष मावि अध्ययनका लागि उत्तीर्ण भएका एक सयभन्दा बढी विद्यार्थी अन्यत्र जानुपर्छ ।
'ज्यामिरेको डाँडामा रहेको जनप्रिय माविमा पुगे दैनिक छ घण्टा हिँड्नुपर्छ । त्यहाँ नगए जिल्ला छाडेर अर्को जिल्लामा जानुपर्छ’, शिक्षिका गाहाले भने । गोरखापत्र दैनिकमा खबर छ ।
