नेपालमा स्थानीय तह चुनावको मिति वैशाख ३० गतेका लागि घोषणा भएर सरगर्मी शुरू भइसकेका बेला भारतीय मिडियाले सरकारका लागि टाउको दुखाइ हुनसक्ने समाचार लेखेका छन् ।

भारतीय मिडिया अमर उजालाले अस्वाभाविक मूल्यवृद्धिका कारण चुनावमा सरकारी पक्षलाई अप्ठ्यारो पर्नसक्ने विश्लेषण गरेको छ ।

पेट्रोलियम पदार्थमा भइरहेको मूल्यवृद्धिले जनस्तरमा सरकारको आलोचना बढेको समाचारमा उल्लेख छ । मूल्य धेरै बढेर जनता आक्रोशित रहेकाले चुनावमा सत्तारुढ दललाई घाटा हुने जनाइएको छ । चालू आर्थिक वर्षको पहिलो ५ महिनामा मुद्रास्फीति ७ प्रतिशतसम्म बढेको तथ्य प्रस्तुत गरिएको छ ।