२३ जेठ २०८३, शनिबार
मिस ग्ल्याम वर्ल्ड २०२२ मा यस वर्ष नेपालले पनि सहभागिता जनाउने भएको छ । नेपालको प्रतिनिधित्व गर्दै २१ वर्षीया मोडल इरिना श्रेष्ठले प्रतिस्पर्धा गर्ने भएकी हुन् ।
विश्वका एक सय भन्दा बढी राष्ट्रको सहभागिता रहने उक्त प्रतियोगिताका लागि श्रेष्ठ योग्य एवं सक्षम भएको आयोजकको दाबी छ ।
हाल स्नातक तहमा अध्ययनरत तथा विगत केही वर्षदेखि मोडलिङ गर्दै आएकी श्रेष्ठले थुप्रै चर्चित फेशन शोहरूमा सहभागिता जनाइसकेकी छन् भने विभिन्न ब्राण्डका लागि काम पनि गरिसकेकी छन् ।
मिडियामा समेत काम गरिसकेकी श्रेष्ठ मिस ग्ल्याम वर्ल्ड २०२२ लाई लिएर निकै उत्साहित छिन् । मिस ग्ल्याम वर्ल्ड २०२२ को ताज नेपाल भित्र्याउन सक्दो प्रयास गर्ने उनले बताइन् ।
मिस ग्ल्याम वर्ल्ड २०२२ एक अन्तर्राष्ट्रिय प्रतियोगिता मात्र नभई नेपाललाई विश्वमा चिनाउने एक अवसर भएको आयोजक फेशन ईराका कार्यकारी अध्यक्ष आनन्द सिंहले बताए ।
मिस ग्ल्याम वर्ल्ड २०२२ आगामी अगष्ट १९ देखि अगष्ट २८ सम्म भारतको कोचिन, केरलामा हुनेछ ।
