लुम्बिनी, २० असार– रुपन्देहीको सम्मरीमाई गाउँपालिकामा विजय गच्छदार नेतृत्वको नेपाल लोकतान्त्रिक फोरमले जीत हासिल गरेको छ ।
रुपन्देहीका १६ वटा स्थानीय तहमध्ये लोकतान्त्रिकको यो पहिलो जीत हो । सम्मरीमाईमा लोकतान्त्रिक फोरमका जीतेन्द्रनाथ शुक्लाले तीन हजार ६६ मत ल्याएर विजय भए ।
उनका निकटम प्रतिद्वन्द्वी नेपाली काँगे्रसका विनोद श्रीवास्तवले दुई हजार १९६ मत ल्याए । राजपाका तर्फबाट स्वतन्त्र उम्मेदवार बनेका अजय शुक्लाले तेस्रो स्थानमा चित्त बुझाउनु पर्यो ।
उपाध्यक्ष भने काँग्रेसले जितेको छ । काँग्रेसकी कुमारी प्रियंका शाही सिंहले दुई हजार ८१६ मत ल्याएर जीत हासिल गरिन् । उनकी निकटतम प्रतिद्वन्द्वी लोकतान्त्रिक फोरमकी कमलावती अहिरले दुई हजार १५० मत ल्याइन् ।
