काठमाडौं, २० असार– उत्तर कोरियाले मंगलबार एक अन्तर्राष्ट्रिय व्यालेस्टिक मिसाइल सफलतापूर्वक परीक्षण गरेको दावी गरेको छ ।
चिनियाँ समाचार संस्था सिन्ह्वामा प्रकाशित समाचार अनुसार उत्तर कोरियाली शासक किम जोङ उनको प्रत्यक्ष उपस्थितिमा उक्त मिसाइल परीक्षण गरिएको हो ।
प्योङयाङको दावी गरेको छ कि उक्त मिसाइल देशको सीमा रक्षाका लागि सबैभन्दा ठूलो अश्त्र हुन सक्छ । अमेरिकाले हालै दिएको चेतावनी विरुद्ध पनि उक्त मिसाइल परीक्षण गरिएको प्योङयाङको भनाइ छ ।
