०२ असार २०८३, मंगलबार
चीनका परराष्ट्रमन्त्री वाङ यीले सोमवार आयोजित वार्षिक पत्रकार सम्मेलनमा अमेरिकाको हिन्द–प्रशान्त रणनीतिमाथि टिप्पणी गरेका छन् ।
वाङका अनुसार, यस क्षेत्रमा नेटोको नयाँ संस्करण बनाउनु हिन्द–प्रशान्त रणनीतिको वास्तविक लक्ष्य हो ।
अमेरिकाले ५४३२१ रणनीतिअन्तर्गत काम गरिरहेको पनि वाङले बताए ।
पाँच भन्नाले अमेरिका, क्यानडा, बेलायत, अस्ट्रेलिया र न्युजील्यान्ड सम्मिलित फाइभ आइज हो । चार भन्नाले अमेरिका, अस्ट्ेलिया, भारत र जापान सम्मिलित क्वाड हो । तीन भन्नाले अमेरिका, बेलायत र अस्ट््रेलिया सम्मिलित अकस हो । दुई र एक भनेर उनले हिन्द प्रशान्त क्षेत्रका मुलुकसँग अमेरिकाको द्विपक्षीय सम्बन्धलाई इंगित गरेका हुन् ।
यस्तो रणनीति खतरनाक र अपवित्र उद्देश्यका साथ ल्याइएको वाङको भनाइ छ ।
युक्रेनको विषयमा टिप्पणी गर्ने क्रममा वाङले युक्रेन र ताइवान फरक भएको बताए । ताइवान एक दिन स्वेच्छाले मुख्यभूमिसम्म मिसिन आउने र त्यो चीनको अखण्ड भूभाग रहेको उनले बताए । तर युक्रेन र रुस फरक फरक सार्वभौमसत्ता भएका मुलुक भएको उनको भनाइ छ ।
