प्रधानमन्त्री  शेरबहादुर  देउवाले युक्रेनबाट बाहिरिएका नेपाली नागरिकलाई स्वदेश फर्काउन सहयोग गरेकामा भारत सरकारलाई धन्यवाद दिएका छन् । 

युक्रेनको  सीमा  नाका  तेस्रो  मुलुक  हुँदै  स्वदेश  फर्कन चाहेका नेपाली नागरिकमध्ये चार जना नेपाली शनिबार नेपाल आइपुगेका छन् । उनीहरूलाई स्वदेश फर्काउन भारत सरकारले चलाएको अभियानमा सामेल गराउन  सहयोग  गरेकामा  भारतीय  समकक्षी  भारतका  प्रधानमन्त्री नरेन्द्र मोदीलाई प्रधानमन्त्री देउवाले आभार प्रकट गरेका हुन् । उनले सामाजिक सञ्जाल ट्विटरमा लेखेका छन्,  चार  जना  नेपाली  भर्खर  नेपाल  आइपुगेका  छन्,  अपरेसन गङ्गाको माध्यमबाट नेपालीलाई यहाँ ल्याउन सफल भएकामा प्रधानमन्त्री मोदी र भारत सरकारलाई धन्यवाद  ।  हालसम्म  ५६५  जना  नेपालीको  युक्रेनबाट  उद्धार भएको छ ।’ गोरखापत्रमा खबर छ।